Pacientët me sëmundje reumatike dhe pandemia COVID 19 – Propozime e Këshilla

Sëmundja e koronavirusit 2019 (COVID-19), e karakterizuar nga pamjaftueshmëria e rëndë akute e frymëmarrjes u karakterizua si një pandemi nga Organizata Botërore e Shëndetsisë.

Në mesin e popullatave që ka të ngjarë të rrezikohen më shumë nga zhvillimi i rëndë me infeksionet COVID-19, janë pacientët me sëmundje reumatike, duke përfshirë ata me lupus, artritin reumatoid, sklerodermën, sëmundja e padiferencuar e indit lidhor, dhe vaskulitin. Këtu hyjnë edhe pacientët me spondilit ankilozant,artrit reaktiv, artrit psoriatik, artrit enteropatik por edhe pacientët me sëmundje degjenerative të cilët për shkak të moshës së shtyer, kanë edhe sëmundje tjera kronike të zemrës, mushkërive, traktit tretës, urinar, sëmundja e sheqeri etj.

Dobësimi i sistemit mbrojtës te këta pacientë vjen edhe nga dëmtimet e veshkëve, të zemrës e mushkërive e edhe sistemeve të tjera të organizmit ngase këto sëmundje janë me veprim në tërë organizmin ( sëmundje sistemike ).

Rrjedhimisht sa më shumë sëmundja që ka një pacientë, nëse ai preket nga infekcioni COVID-19, rreziku për jetën e tij është më i madh.

Më poshtë mund ti lexoni Këshillat dhe Propozimet e Prof.Dr.Ismet Bajraktarit për pacientët me sëmundje reumatike  në situatën e  pandemisë COVID 19.

Pacientët reumatologjik dhe infekcioni me COVID 19 – Propozime dhe Këshilla