Fondi i Solidaritetit

19 Korrik 2019

Oda e Mjekëve të Kosovës ka krijuar fond të posaçëm për mbështetje/dhënie të ndihmës financiare.

 

Kush ka të drejtë për aplikim për mbështetje/dhënie të ndihmës financiare?

Secili anëtar i Odës i cili rregullisht paguan anëtarësinë ka të drejtë në mbështetje/ndihmë financiare. Përveç anëtarëve të Odës, të drejtën për ndihmë e gëzon bashkëshorti/tja dhe fëmijët e tij/saj, në rast të shfaqjes së sëmundjes së rëndë, për shkak të së cilës nuk arrin ti mbuloj kostot e shpenzimeve brenda dhe jashtë vendit.

 

Në çfarë raste mundet të bëhet aplikimi për mbështetje/dhënie të ndihmës financiare?

Mbështetja/ndihma financiare e njëhershme i takon anëtarit të Odës në rast të:

1. Humbjes së aftësisë (invaliditetit) të përcaktuar me vendim të organit kompetent, në përqindje më të madhe se 80%, për shkak të të cilës anëtari nuk mund ta kryejë në mënyrë të përhershme veprimtarinë mjekësore,

1. Shfaqja e sëmundjes së rëndë për shkak të së cilës nuk arrin ti mbuloj kostot e shpenzimeve, qoftë brenda apo jashtë vendit,
2. Shfaqja e sëmundjes së rëndë së bashkëshortit/bashkëshortes, për shkak të së cilës nuk arrin ti mbuloj kostot e shpenzimeve brenda dhe jashtë vendit,
3. Shfaqja e sëmundjes së rëndë së fëmijës, për shkak të së cilës nuk arrin t’i mbulojë kostot e shpenzimeve brenda dhe jashtë vendit.

 

Dokumetat e nevojshëm për aplikim?

Anëtari i Odës, respektivisht i autorizuari për të drejtën për ndihmë financiare, i paraqet Komisionit një kërkesë me shkrim për dhënien e mbështetjes/ndihmës financiare. Kërkesës/formularit për ndihmë financiare i bashkëngjitet dokumentacioni përkatës me të cilin vërtetohet baza për të kërkuar ndihmë (kopje të dokumenteve mjekësore, profaktura, faktura, dëshmi se pacienti është kontrolluar dhe referuar nga QKUK për trajtim jashtë QKUK-së, gjegjësisht vendimi nga kolegjiumi i Klinikës,si dhe dëshmi të tjera relevante).

 

Mjetet e Fondit sigurohen nga:

• • 1. kontributet vullnetare të anëtarëve të Odës dhe personave të tjerë juridik e fizik,
    2. gjobat e mbledhura nga masat disiplinore të shqiptuara,
    3. mjetet financiare sipas ndarjes buxhetore në shumë prej 3,1% të shumës së përgjithshme buxhetore.

Rregullore e punës e Komisionit për Solidaritet dhe Ndihmë Reciproke

Formulari për ndihmë dhe solidaritet

Të gjithë ata që duan të kontribojnë në fondin e Solidaritetit ju lutem përdorini të dhënat e mëposhtme:

 

Banka: NLB BANK

Emri i llogarisë: ODA E MJEKËVE TË KOSOVËS

Nënllogaria e solidaritetit: 1708017700002308

 

Banka: BKT

Emri i llogarisë: ODA E MJEKËVE TË KOSOVËS

Nënllogaria e solidaritetit: 1901007451031149