Revista Mjeku

11 Janar 2021

2021
__________________________________________________________________________________________________________________________

  1. REVISTA MJEKU Vëllimi 1/Numri 1 – COVID-19

   2. REVISTA MJEKU Vëllimi 1/Numri 2 – Onkologjia

  3. REVISTA MJEKU Vëllimi 1/Numri 3 – Kujdesi Parësor

  4. REVISTA MJEKU Vëllimi 1/Numri 4 – Vaksinat

 2022

______________________________________________________________________________________________________________________________________

   5. REVISTA MJEKU Vëllimi2/Numri 1 – Sëmundjet-Kardiovaskulare

 

  6. REVISTA MJEKU Vëllimi 2/Numri 2 – Sëmundjet-Neurologjike

  7. REVISTA MJEKU Vëllimi 2/ Numri 3 – Shëndeti Mendor

  8. REVISTA MJEKU Vëllimi 2/ Numri 4 – Diabeti

2023
__________________________________________________________________________________________________________________________

  9. REVISTA MJEKU Vëllimi 3/ Numri 1 – Kockat

  10. REVISTA Mjeku Vëllimi 3/ Numri 2 – Sëmundjet Reumatike

  11. REVISTA MJEKU, Vëllimi 3/ Numri 3 – 10 Vite Punë dhe Përkushtim

  11. REVISTA MJEKU, Volume 3/ Number 3 – 10 Years of Work and Dedication

  12. REVISTA MJEKU, Vëllimi 3/ Numri 4- Shëndetësia jonë

2024
__________________________________________________________________________________________________________________________

 

---

06 Qershor 2022

Në tekstin në vijim janë përkufizimet e tipeve te artikujve dhe udhëzimet për autorët.

PREZANTIM RASTI DHE PREZANTIM RASTESH

Prezantim rasti përfshin një deri pesë pacientë me ç’rast përshkruhet një sëmundje e pazakontë apo një shfaqje e pazakontë e sëmundjes dhe/apo trajtimit. Qëllimi i këtij lloji të artikullit është ofrimi i informatave për komunitetin profesional në lidhje me shfaqjen e sëmundjeve të pazakonta, manifestimet e pazakonta të sëmundjes dhe/apo trajtimit.

Përderisa prezantimi i rastit kufizohet deri në pesë pacientë, prezantimi i një serie rastesh (case series) mund të përfshijë numër më të madh pacientësh, zakonisht deri njëzet.

Prezantim rasti kufizohet në 1500 fjalë, 5 figura dhe/apo tabela dhe deri 10 referenca.

Prezantim i një serie rastesh kufizohet në 2000 fjalë, nga 1 figurë dhe/apo tabelë për rast dhe 20 referenca.

Prezantimi i rastit / rasteve përbëhet nga:

• Titulli
• Abstrakti
• Hyrja
• Prezantimi i rastit / rasteve
• Diskutimi dhe përfundimet

EDITORIAL

Ky lloj shkrimi trajton në mënyrë të shkurtër një problematikë të caktuar, bazuar në vështrimet dhe gjetjet e studimeve të tjera. Gjithashtu, shërben për të tërhequr vëmendjen ndaj ngjarjeve në kohët e fundit dhe për ndonjë risi apo tematikë me interes të përgjithshëm për lexuesit. Editoriali ftohet nga redaktori apo shkruhet nga redaktori.

Ky tip artikulli kufizohet në 500 fjalë dhe deri 10 referenca.

LETËR PËR REDAKTORIN

Ky lloj shkrimi trajton çdo temë me interes për lexuesin e revistës duke përfshirë komentet për artikujt e botuar më parë. Këto komente duhet të jenë objektive dhe konstruktive. Ky shkrim mund të përdoret gjithashtu për të shprehur hipoteza të reja dhe për të tërhequr vëmendjen e lexuesve ndaj çështjeve me interes për temën e caktuar të cilës i referohet. Autori i artikullit të botuar më parë dhe i komentuar nga autori i letrës për redaktorin, zakonisht ftohet të jap një përgjigje me shkrim që definohet si përgjigje ndaj letrës për rerdaktorin.

Ky tip shkrimi kufizohet në 300 fjalë, mund t’i ketë deri 2 figura dhe/apo tabela dhe 5 referenca.

SHËNIM TEKNIK

Ky lloj artikulli, i njohur, gjithashtu, edhe si inovacion teknik, përshkruan një teknikë ose procedurë specifike, modifikim të një teknike ekzistuese ose pajisje të re që mund të zbatohet në mjekësi.

Ky tip shkrimi kufizohet në 2000 fjalë, mund t’i ketë deri 10 figura dhe/apo tabela, 1 video (vegëz online) dhe deri 20 referenca.

Shënimi teknik përbëhet nga:

• Titulli
• Abstrakti
• Hyrja
• Metodat dhe rezultatet
• Diskutimi dhe përfundimet

RISHIKIM DHE RISHIKIM SISTEMATIK

Rishikimi është nje vlerësim kritik i të dhënave shkencore nga studimet e mëparshme të lidhura me një temë të caktuar.

Ky tip artikulli kufizohet në 2000 fjalë dhe 5 figura dhe/apo tabela, kurse numri i referencave nuk është i kufizuar.

Rishikimi sistematik është analizë e detajuar e të gjitha punimeve në dispozicion të një problematike të caktuar.

Ky tip artikulli kufizohet në 3000 fjalë dhe 5 figura dhe/apo tabela kurse numri i referencave nuk është i kufizuar.

Rishikimi përbëhet nga:

• Titulli
• Abstrakti
• Hyrja
• Metodat
• Rezultatet
• Diskutimi dhe përfundimet

Rishikimi sistematik

• Titulli (në titull duhet të figurojë fraza – rishikim sistematik)
• Abstrakti
• Hyrja
• Metodat
• Rezultatet
• Diskutimi dhe përfundimet

META ANALIZË

Meta analiza është analizë statisikore e gjetjeve nga të paktën dy studime referente. Qëllimi i një meta analize është të vlerësojë rezultatet e studimeve të caktuara duke analizuar, krahasuar dhe interpretuar gjetjet e tyre.  Gjithashtu, duhet të analizohen kriteret e përfshirjes, madhësia e mostrës, karakteristikat e pjesmarrësve në studim dhe rezultatet për secilin studim të perfshirë në meta analizë. Për realizimin e meta analizës nuk kërkohet leje nga komiteti etik, por të gjithë autorët inkurajohen të regjistrohen ne platformën online Prospero.

Ky tip artikulli kufizohet në 5000 fjalë dhe 5 figura dhe/apo tabela kurse numri i referencave nuk është i kufizuar.

Meta analiza përbëhet nga:

• Titulli (në titull duhet të figurojë fraza – meta analizë)
• Abstrakti
• Hyrja
• Metodat
• Rezultatet
• Diskutimi dhe përfundimet

ARTIKULL ORIGJINAL

Artikulli origjinal është nje përshkrim i detajuar i veprimtarisë kërkimore të shkruar nga hulumtuesit që kanë bërë studimin.

Paraprakisht, studimi duhet të sigurojë lejen nga Komisioni për Çështje Etike. Në rast të dizajnimit të studimeve klinike të randomizuara apo jo te randomizuara, perpos lejes nga Komisioni për Çështje Etike, regjistrimi i studimit në regjistër përkatës të studimeve klinike është i obligueshëm.

Ky tip artikulli kufizohet në 3000 fjalë dhe 5 figura dhe/apo tabela dhe deri 50 referenca.

Artikulli origjinal përbëhet nga:

• Titulli
• Abstrakti
• Hyrja
• Metodat
• Rezultatet
• Diskutimi dhe përfundimet

 

Shënim: Citimi i literaturës duhet të bëhet sipas stilit Vancouver

 

Autori apo autorët e dorëshkrimit duhet t’i ofrojnë këto të dhëna personale nën titullin e dorëshkrimit:

Një foto personale e formatit te ID (në prapavijë të bardhë)

Titulli akademik (nëse ka)

Emri i Fakultetit (nëse është pedagog)

Emri i Universitetit (nëse është pedagog)

Specializimi (nëse ka)

Institucioni ku punon

Korrespodenca: e-mail adresa

 

---

11 janar 2021

Oda e Mjekëve të Kosovës së shpejti do të botoj Revistën “Mjeku”

Me propozim të Këshillit Drejtues në mbledhjen e kuvendit të OMK-së mbajtur gjatë vitit 2020, u morr vendim për themelimin e Revistës mjekësore të Odës së Mjekëve të Kosovës. Redaksia e revistës përbëhet nga 9 anëtarë, ku kryeredaktor është Dr. Fisnik Kurshumliu, si dhe anëtarët Dr. Dafina Bytyqi-Shabani, Dr. Elton Bahtiri, Dr. Faik Hoti, Dr. Ibadete Bytyçi, Dr. Linda Çarkaxhiu-Huseyin, Dr. Lul Raka, Dr. Naser Gjonbalaj, Dr. Edea Blyta dhe Dr. Astrit Hamza.

Revista “Mjeku” botohet katër herë në vit nga Oda e Mjekëve të Kosovës. Qëllimi i botimit të revistës është për të informuar mjekët dhe profesionistët tjerë shëndetësor rreth zhvillimeve, risive në medikamente dhe praktikimi i tyre në dobi të pacientit, botimi i hulumtimeve shkencore, artikujve të ndryshëm për informimin dhe edukimin shëndetësor të qytetarëve për sëmundje të ndryshme, gjithashtu informimi i qytetarëve për shërbimet shëndetësore që u ofrohen në Spitale dhe Qendra familjare në Kosovë. Revista mund edhe të përmbajë reklama shtesë të cilat do ndihmonin në rritje të cilësisë së botimit.

Publikimet në revistë duhet të jenë të karakterit informues, analizues, lajmërues dhe të bazuara në fakte.

Duke pasur parasysh mungesën e dekada me rradhë të një gazete, reviste, mediumi ku mjekët mund të publikojnë punime apo të reja nga mjekësia, Oda e Mjekëve të Kosovës, sot në ditën ndërkombëtare të mjekëve ka botuar “Revistën Mjeku”. Publikimi i “Revista Mjeku”, do të bëhet me datë 02.04.2021, ku tema e numrit të parë do të jetë COVID-19.

“Revista Mjeku vjen te ju si rezultat i vizionit dhe angazhimit të Odës së Mjekëve të Kosovës për një revistë informative që i dedikohet mjekut Kosovar dhe lexuesve tjerë potencialë të interesuar në aktualitetet e Shëndetësisë Kosovare. Këshilli Redaktues është i përbërë nga anëtarë të cilët i bashkon bagazhi i madh profesional dhe akademik, por edhe sensi i detyrimit për ta bërë gjithnjë një “hap tutje” në shëndetësinë tonë.” Kryeredaktori Prof.Ass.Fisnik Kurshumliu, MD, PhD

---

---