Njoftim për kandidim për zgjedhjet e OMK-së
27 Janar 2026Të nderuar anëtarë,
Siç jeni njoftuar paraprakisht, Komisioni Qendror i Zgjedhjeve i Odës me datë 16 janar 2026 ka shpallur zgjedhjet për mandatin e IV të Kuvendit të Odës. Duke respektuar afatet e përcaktuara me Planin e Veprimit të KQZ-së, ftojmë të gjithë anëtarët e interesuar që shprehin vullnetin për të kandiduar, që të drejtën për tu zgjedhur ta realizoni duke plotësuar aplikacionin për kandidim të cilin do ta gjeni të bashkangjitur mëposhtë. Po ashtu, në bazë të dispozitave të Kodit Zgjedhor të OMK-së, secili kandidat gëzon të drejtën e propozimit të një (1) vëzhguesi i cili do të ketë të drejtën e monitorimit të procesit të votimit ditën e zgjedhjeve.
Në përputhje me dispozitat e Kodit Zgjedhor, çdo anëtar i cili shprehë interesin për të kandiduar, me rastin e kandidimit duhet të siguroj pëlqimin e pesë (5) anëtarëve të tjerë brenda njësisë zgjedhore në të cilën kandidojnë. Anëtarët që përkrahin kandidimin e tillë nuk duhet të jenë kandidat të po të njëjtës njësi zgjedhore.
Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së. Në të njëjtën mënyrë dorëzohen edhe formularët për vëzhguesit e propozuar.
Kushtet për aplikim:
– të jetë anëtarë i Odës me status të verifikuar në Listën e Votuesve;
– të ketë siguruar mbështetjen e 5 (pesë) anëtarëve të Njësisë Zgjedhore në të cilën kandidon anëtari;
– të mos jetë dënuar me vendim të plotfuqishëm të gjykatës kompetente për veprat penale që ndërlidhen me ushtrimin e profesionit të mjekut;
– ndaj tij mos të jetë shqiptuar ndonjë masë disiplinore nga organet e mbikëqyrjes etike;
Verifikimet e plotësimit të kushteve të secilës kandidaturë do të bëhet nga KQZ-ja përmes rekomandimeve të Skeretariatit të KQZ-së.
Afati i dorëzimit të aplikacioneve është nga data e publikimit të këtij njoftimi deri me datë 04 shkurt 2026 ora 16:00.
Aplikacioni-për-kandidatët-për-Kuvend
