Thirrje për vaksinim të mjekëve

Vaksinimi i mjekëve të punësuar në sektorin publik apo privat është duke vazhduar, prandaj bëjmë thirrje që të shfrytëzoni mundësinë e ofruar nga Ministria e Shëndetësisë dhe të vaksinoheni. Deri më tani janë vaksinuar rreth 3000 punonjës të institucioneve shëndetësore. Sot me datë 06 apo nesër me datë 07 prill, të gjithë mjekët e punësuar në sektorin privat mund të shkojnë në qendrën më të afërt të vaksinimit.

Përmes vaksinimit kundër COVID-19, synohet të arrihet imunizimi aktiv për të parandaluar COVID-19, të shkaktuar nga virusi SARS-Cov-2.