Takimi për njohjen e kualifikimeve dhe diplomave ku përfshihen profesionet shëndetësore.

Kryetari i Odës së Mjekëve, Dr. Pleurat Sejdiu priti në takim Z. Daniel Linotte, udhëheqës i ekipit të projektit të ri, të financuar nga BE, për implentimin e Marrëveshjes së Berlinit për njohjen e kualifikimeve dhe diplomave ku përfshihen profesionet shëndetësore.

Në këtë takim u prezantua objektivi i përgjithshëm që është rritja e kapaciteteve të administratës së Kosovës në përafrim me legjislacionin e BE-së, si dhe objektivi specifik ka të bëjë me harmonizimin me kuadrin legjislativ për njohjen reciproke të kualifikimeve profesionale me atë të legjislacionit të BE-së (direktivat Evropiane).

Pas këtij takim-prezantimit u konfirmua se do të zhvillohen edhe takime të tjera duke përfshirë sipas nevojës edhe përfaqësues të Odave të tjera të Profesionistëve Shëndetësor e po ashtu edhe përfaqësues të Ministrive përkatëse.