Takimi mes OMK-së dhe Komisionit Parlamentar për Shëndetësi

Kryetari i Odës së Mjekëve, Dr. Pleurat Sejdiu dhë nënkryetarët e OMK-së, priti në takim komisionin Parlamentar për Shëndetësi të Kuvendit të Republikës të Kosovës.

Qëllimi i këtij takimi ishte monitorimi i zbatimit të ligjit për Odat e Profesionistëve Shëndetësorë dhe rrjedhimisht u diskutua për ligjin e OPSH-ve dhe kompetencat e OMK-së, sfidat e OMK-së me të cilat ballafaqohemi në baza ditore si pasojë e anashkalimit të OMK-së nga institucioni përkatës, si dhe planet e ardhme të përbashkëta që mund ti kemi.

Ky takim përfundoi me mirëkuptim dhe urim për bashkëpunime në implementime të proceseve të ndryshme që ndikojnë drejtpërdrejtë në Shëndetësinë Kosovare.