Takim mes Odës se Mjekëve të Kosovës dhe organizatës Caritas Kosova

Kryetari i Odës së Mjekëve të Kosovës priti në zyret e OMK-së në takim udhëheqësin e sektorit shëndetësor i organizatës Caritas Kosova, z. Pal Baftijaj.

Në takim, të dy palët shprehën gatishmërinë për të intensifikuar bashkëpunim më të ngushtë në respektimin dhe zbatimin e ligjit shëndetësor dhe ligjit të odave të profesionistëve shëndetesor.

Organizata Caritas Kosova ka të punësuar 100 mjekë të profileve të ndryshme, e të cilët punojnë në 11 komuna të ndryshme të Kosovës. Oda e Mjekëve të Kosovës u është falenderuar organizatës Caritas në kontributin e zbutjes së papunësisë në ofrimin e shërbimeve shëndetësore.