Sot më 4 Shkurt shënohet Dita Botërore e Kancerit

Në Kosovë, ashtu si edhe në gjithë botën, sot është duke u shënuar Dita Botërore Kundër Kancerit. Dita Botërore e Kancerit shënohet çdo 4 shkurt, për të përkujtuar përpjekjet e Organizatës Botërore të Shëndetësisë (OBSH), Kombeve të Bashkuara, organizatave qeveritare dhe joqeveritare, në krijim të strategjisë në luftën kundër kancerit. Qëllimi i shënimit të kësaj ditë është edhe shpërndarjen e mesazhit të vërtetë për këtë sëmundje epidemike dhe trajtimet e saj duke përfshirë masat parandaluese, si dhe bashkimi i të gjithë njerëzit një ditë në baza globale, në vetëdijesim për këtë sëmundje dhe parandalimin e luftimin e saj.

Shënimi i Ditës Botërore të Kancerit ishte planifikuar në Gjenevë, Zvicër në vitin 1933 nën drejtimin e UICC(Bashkimi për Kontrollin e Kancerit Ndërkombëtar) dhe me mbështetjen e shoqërive të tjera të njohura, që merren me këtë sëmundje, institutet kërkimore, qendrat e trajtimit dhe grupe të pacientëve. Dita Botërore e Kundër Kancerit u themelua për të përmbushur të gjitha nevojat për të luftuar dhe kontrolluar këtë sëmundje vdekjeprurëse. Sipas raportit është vërejtur se më shumë se 12.7 milionë njerëz janë diagnostikuar me kance dhe më shumë se 7 milionë janë duke vdekur nga kanceri çdo vit. Shënimi vjetor i kësaj dite ishte planifikuar të bëhet për të shpëtuar miliona jetë nga kanceri, si dhe të udhëzojë njerëzit në kontrollimin e simptomave të saj, të ndjekin masat parandaluese dhe të shpëtonin nga rreziku i kësaj sëmundje epidemike. Në këtë ditë, veçanërisht, për ngritjen e ndërgjegjësimit të kancerit tek njerëzit, duke u mësuar atyre për jetë të shëndetshme, aktivitet fizik të rregullt dhe të duhur dhe një mësim se si të ruhen nga elementet kancerogjene mjedisore.