Sot me 09 dhjetor 2021, u nënshkrua marrëveshja për ndërtimin dhe realizimin e obeliskut “Për Jetën”

Me aprovimin e Odave të Profesionistëve Shëndetësor, Oda e Mjekëve të Kosovës dhe “Çeta General Invest Group”SHPK nënshkruan marrëveshjen për ndërtimin/realizimin e monumentit përkujtimor për nderë të profesionistëve shëndetësor me emrin “Për Jetën”. Përzgjedhja e operatorit ekonomik u bë sipas konformitetit cilësor të shërbimit të ofruar, duke u mbështetur në arsyeshmërin e çmimit të ofruar. Komisioni përzgjedhës ka qenë i përbërë prej arkitektëve, dizajnerëve, inxhinjerëve të ndërtimtarisë dhe skulptorëve.

Vendosja e obeliskut do të bëhet tek hyrja kryesore e Qendrës Klinike Universitare të Kosovës (QKUK), e cila do të shëndrrohet në pikë referuese (landmark) të qytetit tonë. Obesliku është me përmasa të përafërta 2.5 metra i gjerë dhe rreth 10 metra i gjatë.

Gurëthemeli i obeliskut pritet që të vihet në ditët e para të javës së ardhshme.