Sot mbahen zgjedhjet për Kuvendin e Odës së Mjekëve të Kosovës

Procesi zgjedhor ka filluar në orët e mëngjesit dhe po zhvillohet në përputhje me Statutin dhe aktet normative në fuqi të Odës. Të gjithë anëtarët me të drejtë vote janë ftuar të marrin pjesë në këtë proces të rëndësishëm demokratik, përmes të cilit zgjidhen përfaqësuesit e tyre në organin më të lartë vendimmarrës të odës.

Zgjedhjet për Kuvendin përbëjnë një moment të rëndësishëm për funksionimin dhe zhvillimin e mëtejmë të Odës së Mjekëve të Kosovës, duke garantuar përfaqësim të drejtë, transparencë dhe forcim të rolit profesional të mjekëve në vend.

Oda e Mjekëve të Kosovës mbetet e përkushtuar për zhvillimin e një procesi zgjedhor të rregullt, të drejtë dhe në përputhje me parimet demokratike.