Shqyrtimi i parë kryesor për çështje etike

Sot gjatë ditës në Odën e Mjekëve të Kosovës,  është mbajtur seanca e parë e shqyrtimit kryesor e Këshillit Etik dhe Prokurorit të Odës së Mjekëve të Kosovës.

Mbajtja e seancës së tillë në procedurën e mbikqyrjes etike shënon funksionalizimin e plotë të Odës së Mjekëve të Kosovës sa i përket ushtrimit të mbikqyrjes etike të të gjithë mjekëve që ushtrojnë veprimtarinë e tyre në Republikën e Kosovës.

Oda e Mjekëve të Kosovës do të angazhohet përmes organeve të saj kompetente që përmes zbatimit të mbikqyrjes etike të rris cilësinë e shërbimeve shëndetësore dhe të sigurojë integritetin profesional të komunitetit mjekësor.