Sekretari i Përgjithshëm i Odës së Mjekëve të Kosovës merr pjesë në Asamblenë e Përgjithshme të CPME në Athinë

Sekretari i Përgjithshëm i Odës së Mjekëve të Kosovës, z. Gramoz Jakupi, mori pjesë në Asamblenë e Përgjithshme dhe sesionet e politikave të Komitetit të Përhershëm të Mjekëve Evropianë (CPME), të mbajtura në Athinë më 24 dhe 25 tetor 2025.

Ky takim mblodhi përfaqësues të lartë të organizatave mjekësore nga e gjithë Evropa dhe trajtoi çështje me rëndësi të veçantë për politikën shëndetësore evropiane, përfshirë optimizimin e shërbimeve shëndetësore, të drejtat e pacientëve, shëndetin publik dhe parandalimin e sëmundjeve, si dhe digjitalizimin e sistemit shëndetësor.
Në kuadër të punimeve, përfaqësuesi i Odës së Mjekëve të Kosovës, ka theksuar rëndësinë e përfaqësimit aktiv të Kosovës në forumet evropiane të mjekësisë dhe të shkëmbimit të përvojave profesionale ndërmjet organizatave anëtare të CPME-së.

Pjesëmarrja e Odës së Mjekëve të Kosovës në këtë ngjarje të rëndësishme ndërkombëtare përbën një hap të rëndësishëm drejt forcimit të bashkëpunimit ndërinstitucional me organizatat homologe evropiane, si dhe në promovimin e standardëve të përbashkëta për mbrojtjen e profesionit mjekësor dhe të shëndetit publik.
Rreth CPME-së

Komiteti i Përhershëm i Mjekëve Evropianë (CPME) është organizatë që përfaqëson mjekët në nivel evropian dhe synon të promovojë shëndetin e qytetarëve të Evropës përmes politikave të qëndrueshme dhe mbështetjes së profesionit mjekësor. CPME bashkëpunon ngushtë me institucionet e Bashkimit Evropian, Organizatën Botërore të Shëndetësisë dhe organizata të tjera ndërkombëtare në hartimin e politikave që ndikojnë në kujdesin shëndetësor dhe në praktikën mjekësore.