Dr. Pleurat Sejdiu, eshte i lindur m 03.04.1963 ne qytetin e Podujeves.

Shkollën fillore dhe të mesme e ka përfunduar në Prishtinë, ndërsa Fakultetin e Mjekesisë e ka përfunduar në Fakultetin e Mjekesisë pranë Universitetit të Mjekesisë dhe Farmacisë në Krajovë te Rumanise.

Specializimin në lëmin e Ortopedisë dhe Traumatologjisë osteo-muskulare e ka përfunduar në Qendren Klinike Universitare te Kosoves ne Prishtine.
Ka përfunduar studimet e Magjistraturës në menaxhim shëndetësorë pranë Fakultetit Ekonomik të UP-së si dhe Magjistraturën në lëminë e Politikbërjes dhe Menagjimit të Administratës publike pranë Rochester Institute of Technology , ne Shtetet e Bashkuara te Amerikes.

Poashtu, ka përfunduar studimet post-diplomike në diplomaci pranë Akademisë Diplomatike ne Tiranë.
Në vitin 2014, ka publikuar librin “Reforma e Administratës Publike në Kosovë” , LAP Lambert Academic Publishing ne Gjermani.
Ka ushtruar një varg detyrash publike si Përfaqesues Politik i UCK-se në Britaninë e Madhe, Zëvendësministër i Ministrisë së Punëve të Jashtëme të Qverisë së Përkohshme, Bashkëministër i
Departamentit të Shëndetësisë dhe Mireqenies Sociale, Sekretar i Përhershëm në Ministrinë e Shëndetësisë, Drejtor i Departamentit për Koordinim dhe Strategji në Ministrinë e Integrimit Europian.

Në dhjetor te vitit 2017 është zgjedhur Kryetar i Odës së Mjekëve të Kosovës.

Jeton në Prishtinë, eshte i martuar dhe baba i pesë fëmijëve.

Dr. Rrezart Halili eshtei lindur me 11.05.1977 në Prishtinë.

Shkollen fillore dhe te mesme i ka perfunduar ne Prishtine. Studimet e larta i ka perfunduar ne Fakultetin e Mjekesisë në Prishtinë në vitin 2006, ndërsa specializimin në lëmin e Mjeksisë Familjare i ka perfunduar poashtu në Universitetin e Prishtinës në vitin 2015.

Nga viti 1999 deri në vitin 2007, kryesisht ka qenë i angazhuar me organizatën e Qeverisë Britaneze DFID, në projekte në lëmin e shëndetësisë dhe në vitin 2007 ka filluar të punoj si mjek në Qendren e Mjekësisë Familjare në Prishtinë.

Magjistraturen e filloj në vitin 2013 pranë Kolegjit “Iliria” në Prishtinë, në lëmin ‘’Menaxhimi i Shëndetësisë’’.

Në vitin 2011 është emëruar në pozitën e Drejtorit të Qendrës Familjare në Besi, Komuna e Prishtinës dhe në këtë pozitë ka qendruar deri në vitin 2016.
Në shtator të vitit 2016 është emeruar në pozitën Ushtrues Detyre i Drejtorit të Qendrës Kryesore të Mjeksisë Familjare dhe në këtë pozitë ka qëndruar deri në mars te vitit 2017, ku është emeruar si Ushtrues Detyre të Zëvendës Drejtorit të Qendrës Kryesore të Mjekësisë Familjare.

Ka ushtruar një varg detyrash si ekspert mjeksorë, në organizata ndërkombëtare siq janë WHO dhe Luxembourg Development, dhe gjithashtu si mjekë vullnetare në Klubin e futbollit Prishtina.

Në vitin 2013, në mandatin e parë të Odës së Mjekëve të Kosovës është emeruar si Zevendes Kryetar i Odës së Mjekëve të Kosovës, detyre të cilen e ushtron edhe për mandatin e dytë, duke filluar nga data 14 dhjetor 2017.

Jeton në Prishtinë, eshte i martuar dhe baba i dy fëmijëve.

Dr.Naser Gjonbalaj, i lindur me 16.12.1978 në Gjakovë.

Fakultetin e Mjekësisë në degën mjekësi e përgjithshme e ka përfunduar në Tiranë në vitin 2002, ndërsa specializimin në lëmin e Radiologjisë e përfundoj në kuader te Ministrise se Shendetesise në vitin 2007.

Nga viti 2012 është kandidat për PhD pranë Universiteit të Mjekësisë në Tiranë.

Ne vitin 2002 deri në vitin 2003 ka punuar si vullnetar në Shtëpinë e Shëndetit në Gjakovë. Ndersa, në vitin 2003 ka filluar specializimin në lëmin e radiologjisë në Klinikën e Radiologjisë në Qendren Klinike Universitare te Kosoves.

Ne vitin 2009 është punësuar si Radiolog në Qendrën e Klinikës Universitare të Kosovës.

Njëkohësisht, ka punuar edhe në sektorin privat, më saktësisht në Klinikën Diagnostika Plus, Aloka, IHC Diagnostic Centre, International Medical Hospital dhe aktualisht është i punësuar në Spitalin Amerikan në Kosovë.

Në vitin 2013 në mandatin e parë të Odës së Mjekëve të Kosovës është zgjedhur në rolin e Kryetarit të Gjyqit të Nderit dhe në mandatin e dytë te Odes se Mjekeve te Kosoves, është emeruar në rolin e Zevendes Kryetarit të Odës së Mjekëve të Kosovës, detyre të cilen e ushtron nga data 14 dhjetor 2017.

Jeton në Prishtinë,eshte i martuar dhe baba i një vajze.

Dr. Luaras Idrizi është i lindur më 03.07.1974 në Gjilan.

Shkollën fillore dhe të mesme e ka të përfunduar në Gjilan. Studimet e larta i ka përfunduar në Fakultetin e Mjekësisë në Prishtinë, në vitin 2003, ndërsa specializimin në lëminë e Mjeksisë Familjare poashtu në Universitetin e Prishtinës, në vitin 2015.

Në janar të vitit 2004 ka filluar punën e mjekut në QKMF, në Viti. Për një vit ka udhëhequr qendrën e vaksinimit si dhe për dy vite ka ushtruar postin e kryeshefit të mjekësisë familjare.

Në vitin 2010 është emëruar në pozitën e zv. Drejtorit të Qendrës Kryesore të Mjekësisë Familjare, detyrë të cilën e ka kryer deri në vitin 2014.
Nga viti 2014 është shef i QMF Dardania në Gjilan.

Në dy mandatet e para ka qenë anëtar i Këshillit Drejtues të OMK-së, ndërsa më 17 janar 2022 u emërua zv. Kryetar i OMK-së, detyrë të cilën vazhdon ta ushtroj.

Jeton në Gjilan, është i martuar dhe baba i dy fëmijëve.