Realizohet procedura e parë e Trombektomisë mekanike në arteriet e trurit

Për herë të parë në Kosovë në Qendrën Klinike Universitare të Kosovës është realizuar heqja e gjakut të ngjizur në arterien e trurit në mënyrë mekanike (Trombektomia mekanike e M2 segmentit të arteries cerebri media majtas) me metodë radiologjike neurointervente minimale invazive.

Procedura u krye pa komplikime, tek pacienti mashkull i moshës 62 vjeç, i cili kishte dorën e palëvizshme dhe këmbën e djathtë të dobësuar, pas procedurës i është kthyer menjëherë lëvizshmëria e dorës së djathtë.

Poashtu, të folurit e humbur në tërësi, kurse pas 12 orëve nga kryerja e procedurës, pacienti ka filluar të artikuloj zë dhe lëvizë lirshëm edhe me këmbë.

Kjo procedurë është realizuar si rezultat i bashkëpunimit mes Klinikës së Radiologjisë, Klinikës së Neurologjisë, Klinikës së Emergjencës dhe Klinikës së Anesteziologjisë. si dhe  planifikimit, projektimit, aftësimeve të realizuara në botë dhe në Zagreb Kroaci së fundi, të blerjes së materialeve dhe organizimit të shërbimit të ri Stroke projekti.

Trombi u nxor nga arteria në tru, me qasje nga arteria në këmbë me procedurën neuroradiologjike intervente minimale invasive, nga ekipi i radiologëve Dr. Bujar Gjikolli, Dr. Arben Kutllovci, përkrahur nga radiologët kujdestar Dr. Agron Arifi, Dr. Ilir Bejta, me referimin e neurologëve kujdestar Dr. Rushit Jashari, Dr. Valbona Spanca e Dr. Milaim Krasniqi, me asistimin e teknikëve të radiologjisë Shekfi Bytyqi, Ariana Neziri.