Qëndrimi i Organizatës KOALICIONI PËR VAKSINIM i përbërë nga profesionistë evropianë të kujdesit shëndetësor lidhur me vaksinimin ndaj Covid-19
12 Shkurt 2021
KOALICIONI PËR VAKSINIM
Nga profesionistë evropianë të kujdesit shëndetësor
VAKSINOHUNI PËR TU MBROJTUR
Koalicioni për Vaksinim ftuar nga Komisioni Evropian, bashkon shoqatat evropiane të profesionistëve të kujdesit shëndetësor dhe shoqatat përkatëse të studentëve në këtë fushë, si dhe organizatat profesionale të lidhura në këtë fushë që punojnë në fushën e shëndetit publik dhe imunizimit.
Ne do i nënvizojmë tre arsye kryesore pse të gjithë profesionistët e kujdesit shëndetësor duhet të vaksinohen kundër COVID-19 kur ata e kanë mundësi ta bëjnë këtë dhe, pse ata duhet të ndihmojnë në promovimin e vaksinimit kundër COVID-19 në masat e gjera. Shëndeti i tyre është thelbësor për funksionimin e sistemeve shëndetësore, madje edhe më shumë në kohë krizash.
| 1. Ju mbroni veten nga sëmundjet dhe ndërlikimet e mundshme të rënda ose kërcënuese për jetën
Si profesionist i kujdesit shëndetësor, ju jeni në rrezik më të madh të kontraktoni COVID-19 pasi jeni më shumë të ekspozuar ndaj tij. Vaksinimi është opsioni juaj më i mirë për të parandaluar ju dhe kolegët tuaj nga kontraktimi i sëmundjes dhe komplikime të mundshme të rënda ose kërcënuese për jetën. Për më tepër, ju, për shumë njerëz, jeni burimi kryesor i besuar i këshillave dhe informacionit mbi vaksinimin COVID-19. Është përgjegjësia jonë profesionale që t’i mbrojmë ata për të cilët kujdesemi duke i inkurajuar ata që të vaksinohen. Shumë nga pacientët tuaj dhe anëtarët e familjes mund të kenë sëmundje kronike shëndetësore që i vë ata në rrezik të vuajnë nga një formë e rëndë e COVID-19 nëse e kontraktojnë atë. |
| 2. Vaksinat COVID-19 janë të sigurta dhe efektive
Siguria dhe efektiviteti i të gjitha vaksinave të autorizuara janë studiuar plotësisht në testime masoviket të kontrolluara dhe të randomizuar para miratimit të tyre. Këto vlerësime shkencore tregojnë se përfitimet e vaksinave të autorizuara janë, në kuptim të mbrojtjes së njerëzve nga sëmundjet, shumë më të mëdha sesa rreziqet e mundshme. Për më tepër, aspektet e sigurisë së vaksinave COVID-19 monitorohen nga afër përmes Sistemit të Farmakovigjilencës së BE-së dhe çdo shqetësim në lidhje me sigurinë e tyre do I bëhet e njohur menjëherë për publikun dhe do të trajtohet. Agjencia Evropiane e Barnave (EMA) dhe deklarata e Koalicionit Ndërkombëtar të Autoriteteve Rregullatore të Barnave (ICMRA), për profesionistët e kujdesit shëndetësor ofrojnë më shumë informacion mbi zhvillimin, vlerësimin, miratimin dhe monitorimin e vaksinave COVID-19 dhe mënyrën se si ato rregullohen për siguri dhe efektivitet. |
|
3. Ju ndihmoni në ruajtjen e kapacitetit të kujdesit shëndetësor Shërbimet shëndetësore kanë qenë nën një tendosje të madhe për një kohë shumë të gjatë dhe virusi korona tashmë ka shkaktuar një dëm shumë të madh për personelin e kujdesit shëndetësor. Vaksina COVID-19 mund të ndihmojë në zbutjen e presionit duke siguruar që ju dhe kolegët tuaj të keni imunitet më të madh, ka më pak të ngjarë që ta kontraktoni virusin dhe për këtë arsye do të jeni në gjendje të vazhdoni të ofroni shërbimet kryesore për pacientët tuaj. |
Ne ju bëjmë thirrje që të pranoni një vaksinim COVID-19 kur ju ofrohet dhe të inkurajoni pacientët tuaj të bëjnë të njëjtën gjë
