Qendra Kombëtare e Telemjekësisë së Kosovës dhuron pajisje elektronike për OMK-në

Në kuadër të marrëveshjes së bashkëpunimit ndërmjet Odës së Mjekëve të Kosovës dhe Qendrës Kombëtare të Telemjekësisë së Kosovës, sot QKTK dhuroi pajisje elektronike si donacion për OMK-së.

Marrëveshja e bashkëpunimit përfshin fushën e mjekësisë si: bashkëpunimi me qëllim të avancimit të shërbimeve shëndetësore në të gjitha nivelet e kujdesit shëndetësor, zhvillimi dhe përparimi i njohurive nga lëmi e mjekësisë për komunitetin mjekësor, krijimi i sistemeve bashkëkohore shëndetësore të ngritura në bazë të njohurive të vërtetuara si dhe vlerësimi i profesionit fisnik të mjekut dhe mbrojtja e integritetit profesional.

Pajisjet e dhuruara nga Qendra Kombëtare e Telemjekësisë së Kosovës arrijnë vlerën në mbi 1000 euro.

Me këtë rast, Kryetari i OMK-së, dr. Pleurat Sejdiu falënderon QKTK  dhe njëkohësisht shpreh mirënjohjen e thellë për këtë donacion, i cili do të ndihmon në realizimin e punës së përditshme të Shërbimit Profesional të OMK-së dhe ngritjen e kapaciteteve të OMK-së në përgjithësi.