Punimet e Ditës së parë të Kongresit të IV të Mjekësisë

Punimet e Kongresit i hapi Dr. Lauras Idrizi, Kryetar i Këshillit Organizativ, ku tha se “Ky organizim ka për qëllim që mjekëve të ju shërbejë për shkëmbim të përvojave të reja në trajtimin dhe menaxhimin kësaj sëmundje.”

Ass. Dr. Merita Emini- Sadiku falënderoi ligjëruesit për kontributin dhe të gjithë pjesënarrësit për interesimin.

Panelistët e sesioneve: Dr. Tatjana Milenkovic, Dr. Florian Toti, Dr. Vera Kukaj, Dr. Florin Ramadani.

Ndër ligjëruesit e këtij Kongresi janë edhe Dr. Zelko Metelko, Dr. Ivana Pavlic-Renar, Dr. Agron Ylli, Dr. Myrvete Kabashi e shumë mjekë të tjerë të fushave përkatëse që kanë ardhur të ndajnë me mjekët tanë arritjet dhe përvojat e tyre brenda dhe jashtë vendit.

Temat që po trajtohen janë:

Historia dhe e ardhmja e Diabetit melit si model për sëmundje kronike jo të transmetueshme-roli kritik i personit me sëmundje,

Impakti i trajtimit të Diabetit në Shqipëri,

Të ushqyerit mjekësor dhe edukimi i pacientit me diabet,

Sëmundjet shoqëruese te pacienti me këmbë diabetik,

Sindroma e këmbës diabetike dhe trajtimi i ndërlikuar modern.

Gjithashtu në kuadër të Kongresit të IV të Mjekësisë, u mbajt ligjërata për trajtimin e pacientëve me diabet si dhe mënyra e ushqimit të fëmijëve me diabet, në këtë ligjeratë pjesëmarrës ishin prindër të fëmijëve të prekur me diabet, mësues të shkollave fillore dhe të mesme, psikolog etj.