Plani nacional për Stroke 2022-2025

Sipas planit nacional 2022-2025 për Stroke, trajnimi i mbajtur në Spitalin Universitar Aydin në Stamboll ka filluar dhe po vazhdon të mbahet edhe gjatë këtij viti. Kjo si rrjedhojë e mungesës së kësaj fushe në vendin tonë.

Specialstët e Radiologjisë dhe Neurologjisë nga Klinika e Radiologjisë së QKUK-së si dhe nga Spitali i Përgjitshëm i Mitrovicës po përcjellin programin e trajnimit në kabinetin e Angiografisë ku realizohen trombektomitë mekanike, vendosja e stentave extra dhe intrakrainale, trajtimi i aneurizmave intracraniale me coiling si dhe trajtimi i MAV me metodat më të reja.

Oda e Mjekëve të Kosovës pas shpalljes së konkursit publik dhe përfundimit të procedurave administrative, ka përkrahur financimin për të realizuar këtë trajnim, si dhe pas kërkesës të parashtruar nga QKUK, SHSKUK, ky trajnim është përkrahur financiarisht edhe nga fondi i deleguar sipas marrëveshjes DAFI me Lux Dev, projekti KSV/017 për pjesën tjetër të financimit.