Përfundon me sukses pjesa e parë e trajnimit profesional të mjekëve, marrëveshje mes OMK-së dhe Komunës së Prishtinës
16 Shkurt 2024Përfundon me sukses pjesa e parë e trajnimit profesional të mjekëve, me qëllim te ngritjeve të kuadrove të stafit shëndetësor, sipas marrëveshjes mes Odës së Mjekëve të Kosovës dhe Komunës së Prishtinës, e cila është nënshkruar në vitin 2022. Financimin e këtij trajnimi e ka bërë Oda e Mjekëve të Kosovës.
Në ceremoninë përmbyllëse ishte i pranishëm Dr. Pleurat Sejdiu, kryetar i Odës së Mjekëve të Kosovës, Dr. Rrezart Halili, nënkryetar i OMK-së, z. Përparim Rama, kryetar i Prishtinës, Dr. Izet Sadiku, drejtor i Shëndetësisë në Komunën e Prishtinës, si dhe përfaqësues të tjerë të institucioneve relevante.
Kryetari i Odës së Mjekëve, Dr. Pleurat Sejdiu falënderoi kryetarin e Prishtinës, z. Përparim Rama si dhe drejtorin për shëndetësi në kuadër të Komunës së Prishtinës, Dr. Izet Sadiku, për bashkëpunimin dhe realizimin e këtij trajnimi.
