Përfundoj trajnimi profesional për ekokardiografi transesofageale (TEE)

Për herë të parë, në Spitalin e Përgjithshëm të Gjilanit është realizuar procedura diagnostike me ekokardiografi transesofageale (TEE).

Ass. Dr. Edmond Haliti performoj dhe demostroj përdorimin e sondës TEE para pjesëmarrësve të trajnimit, të cilët veçse ishin mirë të informuar mbi detajet teknike të përdorimit falë trajnimeve që kishin ndjekur më parë dhe përvojës së tyre.

Me këtë ka përfunduar edhe ky trajnim i organizuar nën mentorimin e Prof. Dr. Aurora Bakalli dhe Ass. Dr. Edmond Haliti, trajnim i organizuar për mjekët e Spitalit të Përgjithshëm të Gjilanit dhe Prizrenit, ku vlen të theksohet se ky është trajnimi i parë i organizuar për TEE në Kosovë.

Organizimi i trajnimeve për mjekët e Spitalit të Përgjithshëm të Gjilanit dhe Prizrenit vijnë si rezultat i zbatimit të aktiviteteve të Marrëveshjes së Delegimit për Fonde dhe Zbatim (MDZF) ndërmjet Odës së Mjekëve të Kosovës dhe LuxDev.