Përfaqësuesi i Asociacionit të Mjekëve të Gjermanisë për marrëdhënie me jashtë vizitoi OMK-në
08 Qershorë 2019
Me datë 05 Qershor 2019, me ftesë nga Ministria e Shëndetësisë, përfaqësuesi i Asociacionit të Mjekëve të Gjermanisë për marrëdhënie me jashtë Z. Domen Podnar, mbajti prezantimin lidhur me praktikën gjermane lidhur me edukimin themelor mjekësor, shkollimin specialistik dhe edukimin e vazhdueshëm profesional, si dhe rolin e Odës së Mjekëve në këto procese. Në këtë takim të organizuar nga ana e Ministrisë së Shëndetësisë, morrën pjesë edhe përfaqësuesit e OMK-së dhe akterë të tjerë nga sektori i shëndetësisë.
Me rastin e vizitës së tij, Z.Podnar po ashtu vizitoi zyret e Odës së Mjekëve të Kosovës me ç’rast e përgëzoi Kryetarin e OMK-së, Dr. Pleurat Sejdiun, për progresin dhe të arriturat që OMK-ja i ka realizuar në dy vitet e fundit.
Kryetari i OMK-së, i dorzoi z. Podnar në emër të OMK-së, një mirënjohje në shenjë faleminderimi për përkrahjen e vazhdueshme të cilën e ka ofruar Asociacioni i Mjekëve të Gjermanisë për OMK-në që nga themelimi i saj, e deri te ndërkombëtarizimi dhe integrimi i OMK-së në organizata ndërkombëtare simotra.
