OSBE organizon tryezë të rrumbullakët për OMK-në

Zyra e OSBE-së në Prishtinë, gjatë ditës së sotme ka mbajtur tryezën e rrumbullakët për organet e OMK-së, konkretisht për organet të cilat merren me çështjet etiko-profesionale në shëndetësi.

Qëllimi i kësaj tryeze ishte identifikimi i problemeve dhe sfidave të organeve të OMK-së, përkatësisht Prokurorit të Odës, Këshillit Etik, Gjyqit të Nderit dhe Komisionit për Çështje Etike si dhe mundësia e organizimit të trajnimeve të ofruara nga OSBE në bashkëpunim me Akademinë e Drejtësisë së Kosovës dhe Institucionet e tjera të drejtësisë në Kosovë, me qëllim ngritjen e kapaciteteve të këtyre organeve për ushtrimin e detyrave dhe përgjegjësive të tyre në organet gjegjëse.

Kjo tryezë është rezultat i përkrahjes nga zyra e OSBE-së, në veçanti përkrahjes së dhënë nga Ambasadori i OSBE-së në Kosovë z. Jan Braathu, i cili gjatë takimeve të mbajtura me Kryetarin e OMK-së, dr. Pleurat Sejdiu ka shprehur gatishmërinë për ta ndihmuar Odën e Mjekëve të Kosovës në ato fusha për të cilat OSBE ka kapacitete.

Oda e Mjekëve të Kosovës e vlerëson kontributin e OSBE-së për të ndihmuar OMK-në,në proceset e ngritjes së kapaciteteve dhe shpreson që bashkëpunimi i ndërsjellë të mos mungoj në të ardhmen.