Organizohet pjesa praktike e trajnimit profesional nga lëmia e neonatologjisë për stafin shëndetësor të Spitalit të Përgjithshëm të Prizrenit

Për disa ditë radhazi stafi shëndetësor nga reparti i neonatologjisë dhe pediatrisë të Spitalit të Përgjithshëm të Prizrenit morën pjesë në trajnimin nga lëmia e neonatologjisë me temë “Reanimimi neonatal/Oksigjenoterapia te të porsalindurit” dhe “Vendosja e kateterit qëndror(umbilikal) apo dhe vija të thella dhe transfuzioni te të porsalindurit” nën mentorimin e Prof.dr. Boris Filipovic-Grcic, MD, PhD, Dr. Darjan Kardum, MD, PhD si dhe Dr.Teuta Hasbahta.

Pjesa praktike e trajnimit u përmbyll me vizita dhe punë praktike me raste simuluese, ku secili pjesëmarrës i trajnimit ka pasur rastin që për secilën temë të trajtuar të praktikoj dhe në pajisjet që i posedon reparti i neonatologjisë.

Pas përfundimit të pjesës teorike dhe praktike të trajnimit profesional, trajnerët do të përgatisin edhe manualin për procedurat standarde të operimit (ang SOP).

Qëllimi i organizmit të trajnimeve është zhvillimi i vazhdueshëm profesional i mjekëve dhe ekipit mbështetës të punëtorëve shëndetësor të Spitalit të Përgjithshëm të Gjilanit dhe Prizrenit, për t’i mundësuar stafit të këtyre spitaleve, të ofrojë shërbime cilësore për pacientët, bazuar në standardet e njohura ndërkombëtare dhe praktikat më të mira mjekësore.

Organizimi i trajnimeve për mjekët e Spitalit të Përgjithshëm të Gjilanit dhe Prizrenit vijnë si rezultat i zbatimit të aktiviteteve të Marrëveshjes së Delegimit për Fonde dhe Zbatim (DAFI KSV/017 21 2749) ndërmjet Odës së Mjekëve të Kosovës dhe projektit LuxDev.