Organizata Mjekësore Evropiane mbi dhunën ndaj profesionistëve të kujdesit shëndetësor

Në vitin 2021 Organizata Botërore e Shëndetësisë feston vitin ndërkombëtar të punëtorëve të shëndetit dhe kujdesit. Përkundër kësaj, Organizatat Mjekësorë Evropiane përballen me një rritje në të gjitha llojet e akteve të dhunës fizike, emocionale dhe psikologjike, kundër profesionistëve të kujdesit shëndetësor. Kjo është konfirmuar në gjetjen alarmante të sondazhit të FEMS në lidhjen me shpenzimin professional (burnout) të mjekëve në Evropë. Organizatat Mjekësore Evropiane rikonfirmojnë se qëndrojnë në solidaritet të plotë me kolegët e tyre që janë në vijën e parë të luftës kundër pandemisë COVID-19.

Organizatat Mjekësore Evropiane i nxisin me forcë qeveritë të rishikojnë se si sistemet e kujdesit shëndetësor vlerësojnë mirëqenien e profesionstëve të kujdesit shëndetësor në praktikën e tyre të përditshme, së bashku me mirëqenien e pacientëve që u shërbejnë çdo ditë dhe komunitetit të punonjësve që punojnë me ta. Mjekësia duhet të jetë dhe duhet të mbetet një vend i sigurt për të punuar.

Pandemia e vazhdueshme ka rikonfirmuar rolin kryesor të mjekëve në sigurimin e stabilitetit dhe mirëqenies së shoqërive tona. Më 12 mars të këtij viti, Organizatat Mjekësore Evropiane shënuan ditën e dytë Evropiane të ndërgjegjësimit mbi dhunën ndaj mjekëve dhe profesionistëve të tjerë të shëndetit dhe u zotuan ti marrin parasysh dhe adresojnë ata faktorë që kontribuojnë në dhunën ndaj mjekëve, duke përfshirë lodhjen dhe shpenzimin profesional (burnout).

Ne u bëjmë thirrje Qeverive Evropiane dhe autoriteteve shëndetësore, të sigurojnë të gjithë personelin e kujdesit shëndetësor në një mjedis të sigurt pune dhe të sigurojnë mekanizmat e duhur për të parandaluar çdo lloj dhune, në mënyrë që të zvogëlojnë rrezikun e rraskapitjes dhe shpenzimin profesional (burnout) e të gjithë profesionistëve të kujdesit shëndetësor, të vendosin të gjitha mjetet e nevojshme për të mbrojtur integritetin fizik dhe psikologjik të kolegëve tanë gjatë kësaj pandemie dhe më gjerë.

Këta profesionist të kujdesit shëndetësor, të cilët ne i duartrokasim, meritojnë admirim, respekt, vlerësim dhe mbrojtje. Organizatat Mjekësore Evropiane gjithashtu u japin nderime të gjithë profesionistëve shëndetësor të cilët fatkeqësisht humbën jetën në luftën kundër pandemisë COVID-19.