OMK organizon tryezën e rrumbullakët

Oda e Mjekëve të Kosovës organizoi tryezën e rrumbullakët me temën: Gjendja aktuale në sektorin e shëndetësisë- Kemi apo nuk kemi sistem shëndetësor funksional? – Kahja e reformës së nevojshme.

Pjesëmarrës në këtë tryezë ishin Ministri i shëndetësisë, Dr. Rifat Latifi, Kryetari i Odës së Mjekëve, Dr. Pleurat Sejdiu dhe përfaqësues tjerë të institucioneve relevante.

Dr. Pleurat Sejdiu mbajti fjalimin hyrës dhe bëri prezantimin për çështjet problematike të sistemit tonë shëndetësor.
Në këtë prezantim përmendi pikat si Hartimi i politikave dhe strategjive duke theksuar se është mëse i nevojshëm në sistemin tonë shëndetësor, ndalimin e ikjes së mjekëve nga vendi duhet ta bëjmë duke përmirësuar kushtet e vendeve të punës, sigurimet shëndetësore, financimin, matja e përformancës, nivelin terciar, sistemi i informimit etj.
Dr. Sejdiu ftoi dhe inkurajoi pjesëmarrësit për diskutimin dhe zgjidhjen e këtyre problematikave.

Ministri i Shëndetësisë, Dr. Rifat Latifi tha se është ë rëndësishme bisedimi haptas dhe transformimi i shëndetësisë bëhet aty ku janë mjekët, infermierët, laborantët dhe të gjithë ata që merren me shëndetësi.
Ai tha se në këtë tryezë duhet të diskutohen të gjitha elementet e shëndetësisë, si infrastruktura e spitaleve, organizimi i spitaleve etj.
Ministria e shëndetësisë ka përcaktuar 7 shtylla që duhet të fokusuar në 10 vitet e ardhshme e tutje, një më kryesoret është cilësuar edukimi specializantëve.

Z. Muhamedali Kodra nga Shoqata e të drejtave të Pacientëve të Kosovës (PRAK) bëri prezantim rreth çështjes:. Reforma në shëndetësi – mes planit dhe dëshirës, duke theksuar se pacienti është konsumues i shërbimeve shëndetësore.