OMK mban konferencën vjetore

Gjatë ditës së djeshme në selinë e zyrave të Odës së Mjekëve të Kosovës është mbajtur konferenca vjetore e organizuar nga OMK.

Në këtë Konferencë janë prezantuar sfidat dhe rezultatet e OMK-së për vitin 2018, është prezantuar sondazhi i rradhës i realizuar nga OMK me temën “Kujdesi për qasjen e mjekut ndaj pacientit”, si dhe u bë përurimi i hapësirave të reja të OMK-së në ish-Institutin e Mjekësisë Ligjore.

Kryetari i OMK-së u deklarua edhe lidhur me grevat të cilat po zhvillohen në sektorin e shëndetësisë, ku shprehi qëndrimet e OMK-së duke thënë se Oda i mbështet të gjitha kërkesat e profesionistëve shëndetësor dhe bëjnë apel tek mjekët e fushës së kirurgjisë që të jenë të unifikuar me FSSHK-në lidhur me mbajtjen e grevës së profesionistëve shëndetësor.

Me këtë rast Kryetari i OMK-së, dr. Pleurat Sejdiu duke uruar që viti 2019 të jetë vit i sukseseve për të gjithë, po ashtu i ka falënderuar të gjitha mediat për punën e tyre të cilat kanë ngritur çështjet që e prekin sektorin e shëndetësisë në përgjithësi, duke shpresuar që në të ardhmen të kemi sa më pak probleme që e karakterizojnë këtë sektor.

Më poshtë gjeni link-un me deklaratën e Kryetarit të OMK-së, dr. Pleurat Sejdiu lidhur me sfidat dhe punën e OMK-së, si link-un për raportin e sondazhit të realizuar nga OMK me temë “Kujdesi  për qasjen e mjekut ndaj pacientit”.

https://www.koha.net/arberi/136479/oda-e-mjekeve-dyshon-se-rreth-200-mjeke-vendore-jane-pa-licence/

https://ekonomiaonline.com/nacionale/shendetesi/oda-e-mjekeve-mjeket-po-akuzohen-per-keqperdorim-te-detyres-nuk-po-mbrohen/