Omk mbajti konferencë për media për arritjen e Dr. Enver Hoxha për patentimin e një produkti mjekësor.

Omk mbajti konferencë për media për arritjen e Dr. Enver Hoxha për patentimin e një produkti mjekësor.

Pjesë e kësaj konference ishin Kryetari i Odës së Mjekëve, Dr. Pleurat Sejdiu, Dr. Enver Hoxha Specialist i Kirurgjisë plastike dhe Prof. Dr. Hysni Arifi, Specialist i Kirurgjisë plastike dhe mentor i Dr. Enver Hoxhës.

Dr. Pleurat Sejdiu tha se Dr. Enver Hoxha ka arritë të bëjë patentimin në një shtet Evropian të një produkti/pajisje, e cila me specifikat e veta është patentuar si një inovacion si jashtë vendit ashtu edhe tek ne.
Ai shtoi se kjo konferencë po mbahet për të dhënë edhe një mesazh për Institucionet që do duhej të merreshin më seriozisht me këto çështje, për stimulimin e inovacioneve dhe hulumtimeve shkencore.

Dr. Enver Hoxha tha se pajisja që është shpikë përdoret në shumicën e lamive kirurgjike, qëllimi i saj është thithja e lëngjëve trupore .
Ai theksoi se sakrifica dhe puna ka qenë e madhe dhe uroi që gjeneratat e ardhshme të arrijnë suksese edhe më të mëdha.

Profesor Arifi, Mentor klinik i Dr. Enver Hoxhës tregoi se ka qenë një rrugë e vështirë për të dhe kjo punë ka dashur sakrificë qoftë ajo edhe çështja e sakrificës për vet-financim.
E përgëzoi Dr. Hoxhajn për këtë projekt duke i uruar suksese në projektet tjera të ardhshme.

Omk në këtë legjislaturë ka marrë inciativën në krijimin e fondit për hulumtime shkencore dhe përmes donatorëve qofshin Ministria apo donatorë të tjerë, të krijojë një fond që nga strukturat profesionale të sistemit tonë shëndetësorë të përzgjidhen  çdo vit hulumtime të cilat do t’i financojmë.