OMK implementon sondazhin për Sigurime Profesionale

Oda e Mjekëve të Kosovës ka implementuar anketën për Sigurime Shëndetësore. Përmes këtij hulumtimi ka pas për qëllim që të analizojë indikatorët e brendshëm nga anëtarët e saj (mjekët) në kuptim të zbatimit të një sistemi të tillë të sigurimeve.

Për OMK-në është i nevojshëm impakti i brendshëm lidhur me çështjet kryesore që ndërlidhen me sistemin e sigurimeve profesionale, për të kaluar më pas me analizën konkrete siç është lartësia e premiumit që duhet paguar, gama e rreziqeve të siguruara, modeli i azhurnimit të këtyre sigurimeve dhe çështjet të tjera që kanë relevancë lidhur me këtë çështje.

Në këtë anketë moren pjesë mjekët nga të gjitha nivelet e shëndetësore në Kosovë Metoda e anketimit ka qenë online, ku pyetësori është dërguar përmes linkut me email tek të gjithë antarët e OMK-së.

Përgjigje në pyetësorin e parashtruar kanë dërguar 828 antarë të OMK-së (23% nga totali i mjekëve të anëtarësuar), prej tyre 64.30 % ishin të gjinisë mashkullore dhe 35.70% gjinia femërore.

Sipas këtij pyetësori 98.4 % mendojnë se sigurimi profesional është i domosdoshëm për ushtrimin e verpimtarisë mjekësore.

Më poshtë gjeni të bashkëngjitur  Anketën e implementuar.

Sigurime Profesionale sondazhi