OMK shpalos propozimet e saj për Projektligjin e Pagave

Sot në Kuvendin e Republikës së Kosovës duke filluar nga ora 11:00, mbahet seanca e dëgjimit publik për pakon e projektligjeve për reformën e administratës publike.

Oda e Mjekëve të Kosovës do të shpalos propozimet e saja në këtë seancë përmes nënkryetarit të saj dr. Naser Gjonbalaj.

Komentet të cilat janë dhënë nga OMK ndërlidhen me projektligjin për pagat dhe projektligjin për zyrtarët publik, ku Oda e Mjekëve të Kosovës kërkon që të bëhet nivelizimi i pagave në sektorin e shëndetësisë, si nga aspekti profesional po ashtu edhe nga aspekti menagjerial, si dhe ofrimi i kushteve më të mira të punës.

Pas përfundimit të takimit Oda e Mjekëve te Kosovës,  përmes një komunikate tjetër do t’iu njoftoj për qëndrimet e saj rreth seancës.