OMK fillon shpërndarjen e faksimileve për mjekë

Sot në Qendrën Kryesore të Mjekësisë Familjare në Prishtinë ka filluar faza e parë e shpërndarjes së faksimileve (vulave) të punuara nga OMK.

Në këtë ceremoni ishte prezent Kryetari i OMK-së, dr. Pleurat Sejdiu, zv.drejtori i Qendrës Kryesore të Mjekësisë Familjare dr. Rrezart Halili si dhe drejtori i Qendrës së Mjekësisë Emergjente dr.Bujar Gashi.

Me këtë rast Kryetari i OMK-së, dr. Sejdiu tha se shpërndarja e faksimileve është bërë në mënyrë që të futet rregull në sektorin e shëndetësisë, që si pacienti edhe mjeku të jetë i mbrojtur dhe vulën ta mbajë vetëm mjeku profesionist.

OMK iu bënë thirrje të gjithë mjekëve të cilët nuk janë të pajisur me licencë valide që sa më parë të aplikojnë për tu pajisur me një të tillë dhe njëkohësisht të bëjnë kërkesë edhe për përgatitjen e faksimileve sipas fushës mjekësore në të cilën ushtrojnë veprimtarinë e tyre.