Oda e Mjekëve të Kosovës po merr pjesë në punimet e takimit të radhës së Komitetit të Përhershëm Evropian të Mjekëve (CPME).

Oda e Mjekëve të Kosovës, përfaqësuar nga Nënkryetari i OMK-së Dr.Rrezart Halili po merr pjesë në punimet e takimit të radhës së Komitetit të Përhershëm Evropian të Mjekëve (CPME).

Nikoqiri i këtij takimi është Oda e Mjekëve të Çekisë. Mbledhja e sivjetshme po mbahet në Pragë, me tema diskutimi si:

• Investimi në të ardhmen e kujdesit shëndetësor
• Shëndetësia digjitale
• Shëndeti publik dhe preventiva e sëmundjeve ngjitëse
• Sistemi shëndetësor dhe praktika profesonale.

Gjatë këtij eventi janë duke u zhvilluar takime në mes përfaqësuesve të OMK-së, odave dhe shoqatave të mjekëve europiane lidhur me bashkëpunimin e mundshëm në fushat e interesit që ju takojnë.

Komiteti i Përhershëm Evropian i Mjekëve (CPME) është institucioni ndërkombëtar me ndikimin në politikbërje në nivel evropian dhe ka një rëndësi të madhe në rregullimin e sektorit shëndetësor në nivel te vendeve të Bashkimit Europian.

Oda e Mjekëve të Kosovës është anëtare vëzhguese në këtë organizatë që nga viti 2018, ku deri më tani ka marrë pjesë në të gjitha takimet e organizuara.