Oda e Mjekëve të Kosovës përkrah financiarisht profilizimet profesionale të mjekëve specialist

Oda e Mjekëve të Kosovës përkrah financiarisht profilizimet profesionale të mjekëve specialist

Me qëllim të përkrahjes së zgjerimit dhe avancimit të edukimit të vazhdueshëm profesional, Oda e Mjekëve të Kosovës ka mbështetur financiarisht mjekë specialistë në realizimin e profilizimeve të tyre të veçanta profesionale, duke u mundësuar ndjekjen e trajnimeve njëmujore në fushat përkatëse.

Nga Klinika e Pediatrisë dhe Institutet Paraklinike, 9 mjekë specialistë kanë përfituar në profile të ndryshme, përfshirë Gjenetikën Klinike, Neurologjinë/Endokrinologjinë Pediatrike, Gastrohepatologjinë, Pediatrinë e Përgjithshme si dhe Nefropatologjinë/Uropatologjinë.

Të gjithë përfituesit kanë ndjekur trajnime në klinika të njohura ndërkombëtare, të zgjedhura prej tyre në përputhje me fushën e specializimit, duke u njohur me praktikat më të avancuara në vende si Kroacia dhe Italia

Rikthimi i mjekëve të trajnuar siguron aplikimin e njohurive dhe aftësive të fituara në praktikën klinike, të cilat ata i transmetojnë tek profesionistët e tjerë shëndetësorë, duke kontribuar në ofrimin e shërbimeve më të avancuara dhe në përmirësimin e cilësisë së kujdesit ndaj pacientit.

Kjo mbështetje dëshmon angazhimin e vazhdueshëm të Odës së Mjekëve të Kosovës për fuqizimin e edukimit të vazhdueshëm profesional të mjekëve specialistë dhe për ngritjen e standardeve të kujdesit shëndetësor në vend.