Oda e Mjekëve të Kosovës organizoi tryezën e rrumbullakët me temë “Kualiteti i shkollimit universitar dhe pasuniversitar i mjekëve”

Në kuadër të tryezës së rrumbullakët u prezantuan të gjeturat e hulumtimeve që Oda e Mjekëve të Kosovës në bashkëpunim me Trupin Këshillëdhënës të Fakultetit të Mjekësisë kanë realizuar me temë: Të nxënit të harmonizuar/kompetencat për Mjekësinë e përgjithshme. Ky hulumtim është hartuar për doktorët e rinj për të vlerësuar njohuritë që kanë ata pas përfundimit të Fakultetit të Mjekësisë, si dhe për shefat e reparteve përkatëse për të marrë vlerësimin e tyre për doktorët e rinjë që i mentorojnë. Nga rezultatet e marra nga anketimi i specializantëve, ata nuk e konsiderojnë veten të gatshëm dhe kompetent në shumë aspekte, duke përfshirë edhe komunikimin me familjarë, punën praktike me pacientin, kompetencat në kirurugji, etj.

Gjithashtu Oda e Mjekëve të Kosovës në bashkëpunim me KOMS- Kosova’s Organization of Medical Students kanë realizuar hulumtimin me temë “Kënaqshmërinë e specializantëve me shkollimin specialistik”. Ky hulumtim u realizua për të vlerësuar kënaqshmërinë e specializantëve me shkollimin specialistik në QKUK.

Pjesëmarrës në këtë tryezë ishin edhe përfaqësues nga Ministra e Shëndetësisë, përfaqësuses nga Bordi i SHSKUK, përfaqësues nga rektorati i Universitetit të Prishtinës, përfaqësues nga Odat e Profesionistëve Shëndetësor, përfaqësues të mjekëve specializant dhe specialist.

Në fjalën hyrëse të tryezës Kryetari i Odës së Mjekëve u shpreh se qëllimi i kësaj tryeze është diskutimi mbi atë se çfarë na ka brengosur deri tani, e ndër to është në mos reflektimin i shumë problemeve që kanë atakuar mjekësinë tonë dhe qasjen e specializantëve në Kosovë.

Ndër të tjera shqetësim i madh është fakti se që nga fillimi i vitit e deri më sot janë 76 mjekë kanë kërkuar certifikatën për të kaluarën etike, e cila shërben si dokument për tu larguar nga Kosova. Nga ta 31 janë mjekë që kanë fituar tani specializimin. Pakënaqësitë e tyre kanë të bëjnë me kushtet. Ndërsa shtatë prej tyre janë specialistë dhe kjo është shqetësuese. Është koha e fundit që Ministra e Shëndetësisë dhe Ministra e Arsimit të ndërmarrin diçka për të parandaluar ikjen dhe të shpëtojmë vlerën më të madhe jo vetëm në shëndetësi.

Prorektori Prof.Dr.Elton Bahtiri tha se në këtë tryezë jam si përfaqësuses i rektoratit por edhe si mjek, prandaj shpreh se nga brenda ekziston vullneti për të punuar dhe krijuar kushte për mjekët e rijnë, për të pasur mundësi të mira pune, por funksionet politike e pamundësojnë një gjë të tillë, mirëpo ne do mundohemi që të diplomuarit e mjekësisë të kenë kushtet e duhura, edhe pse këto dy vitet e fundit na kanë pamundësuar një gjë të tillë”.

Nga hulumtimet e bëra nga OMK, del si rezultat se 34.4% prej specializntëve kanë vlerësuar që planprogrami nuk është përmbushur aspak.

Dr.Sami Uka, këshilltar i ministrit të Shëndetësisë Arben Vitia, deklaroi se Ministria është e interesuar që të bëjë planifikimin e mirëfilltë të specializimeve, e jo sipas ambicieve. Është jetike që të punojmë të gjithë bashkë, UP, FM, Odat dhe MA, që të ngrisim cilësinë e programeve specialistike dhe bazike, dhe ta shohim me sy kritik valën e fundit të specializimeve, përkundër qëllimit të mirë, ka degraduar në mënyrë të skajshme cilësinë e specializimeve.

Kryetari i Odës së farmacistëve Prof.Dr.Arianit Jakupi, u shpreh se janë dy probleme esenciale në këtë diskutim e para problemet shumë vjeçare dhe e dyta problemi i vitit të kaluar me mbingarkesës e rreth 1500 specializantëve, edhe që realisht i jep detyrë të madhe bordit për menaxhimin adekuat të këtyre specializantëve që këta ta krijojnë një kompetencë profesionale gjatë viteve të shkollimit specialistik, dhe kjo nuk kufizohet vetëm me bordin por me Ministrinë e Shëndetësisë, Odat e profesionistëve shëndetësor, mentorët klinik, QKUK-në dhe specialistët tjerë që do ti mbikqyrin këta specializant.

Dr.Ilirjana Alloqi-Tahirbegolli thotë janë dhënë specializime në lëmitë ku nuk ka mentorë apo specialist në kosovë, prandaj specializantët detyrohen ti kryejnë trajnimet në qendra tjera rajonale ku ekzistojnë këto specializime. Por prap nuk ka kush ti kontrolloj këta specializant për aftësimin që kanë marr.

Rekomandime të dala nga kjo tryezë dhe nga hulumtimet e realizuara ndër to është Hapja e specializimeve në raport me kërkesat e vendit për fusha të caktuara, dhe angazhimi i doktorëve të rinj në QMF apo Klinika deri në marrjen e specializimeve.

Të rritet llogaridhënia e mentorëve tek organet kompetente në lidhje me mbajtjen e ligjëratave dhe takimet e tyre me specializantët.

Të avokohet për përmirësim të kushteve të punës.

Në përfundim Dr.Pleurati u shpreh se nga kjo tryezë pret që çdo komentet apo kërkesë që kanë pjesëmarrësit që ti dërgohen me shkrim Odës së mjekëve në menyrë që ti adresojmë bordit.