ODA E MJEKËVE TË KOSOVËS MERR PJESË NË KONFERENCËN E ORGANIZUAR NGA EFMA

ODA E MJEKËVE TË KOSOVËS MERR PJESË NË KONFERENCËN E ORGANIZUAR NGA EFMA

Në takimin virtual të organizuar nga Forumi Evropian i Shoqatave Mjekësore (EFMA) është ftuar kryetari i Odës së Mjekëve, Dr. Pleurat Sejdiu.
Në këtë konferencë u diskutua për temën se: A duhet të jetë një opsion vaksinimi i detyrueshëm?

Ky takim do të përqendrohet në çështjen e vaksinimit COVID-19 dhe do të mbahet në një format debati ku do të thuhen argumente për mbështjetje dhe kundër vaksinimeve vullnetare dhe të detyrueshme.

Hapjen e kësaj konference e bëri Z. Leah Wapner, sekretar i përgjithshëm i Forumit Evropian të Shoqatave Mjekësore, më pas Dr. Jacques de Haller, president i Komitetit të përhershëm të mjekëve Evropian dha një pasqyrë të përgjithshme të situatës aktuale në Evropë.
Ndërsa hapjen e debatit e bëri Prof. Zion Hagay, President në Shoqatën Mjekësore Izraelite, me temën Luftimi i pandemive, A duhet të jetë një opsion vaksinimi i detyrueshëm?
Në këtë konferencë morrën pjesë edhe zyrtarë të tjerë të rëndësishëm të fushës së mjekësisë në nivelin Evropian.

Kryetari i OMK-së, në këtë konferencë raportoi për situatën e tanishme në Kosovë sa i përket pandemisë COVID-19, si dhe shpjegoi situatën dhe procesin e vaksinimit.

Kjo konferencë do dal edhe me një qëndrim për këtë çështje mjaft aktuale në shtetet Evropiane.