Oda e Mjekëve jep mirënjohje për QKMF-të e rajonit të Prishtinës

Sot në Qendrën Kryesore të Mjekësisë Familjare Prishtinë, Oda e Mjekëve të Kosovës ka vazhduar organizimin e ndarjes së mirënjohjeve për mjekët në pension dhe për institucionet shëndetësore që kanë kontribuar në luftën kundër COVID-19.

Ceremonia e ndarjes së mirënjohjeve filloj duke mbajtur një minutë heshtje në shenjë respekti për të gjithë punëtorët shëndetësor dhe qytetarët që kanë vdekur nga infektimi me COVID-19.

Në fjalën hyrëse kryetari i odës tha se punëtorët shëndetësor janë në luftë kundër COVID-19, duke rrezikuar jetën e tyre por duke shpëtuar shumë të tjerë. Ne nuk duhet ta dorëzohemi, por duhet ta përfundojmë betejën.

Sipas organizimit sot mirënjohjet janë ndarë për QKMF Drenas, QKMF Fushë Kosovë, QKMF Obiliq, QKMF Podujevë dhe QKMF Prishtinë. Gjithashtu mirënjohje u ndanë edhe për mjekët në pension në shenjë falenderimi për kontributin e tyre jetësor gjatë karieres së tyre.