Oda e Mjekëve e gatshme të bashkëpunojë me AQH

Kryetari i Odës së Mjekëve të Kosovës, Dr Pleurat Sejdiu ka zhvilluar takim me udhëheqësen e projektit Accesible Quality Healthcare – Projekti Kujdesi Shëndetësor i Qasshëm dhe Cilësor (AQH), Debra Stevenson.

Takimi në mes kryetarit Sejdiu dhe Stevenson është mbajtur me qëllim të diskutimit për bashkëpunim mes Accesible Quality Healthcare dhe Odës së Mjekëve të Kosovës.

Në kuadër të çështjeve të bashkëpunimit, hyn edhe Edukimi i Vazhdueshëm Profesional, si fushë që do të përcillet me angazhim të përbashkët nga OMK dhe AQH. Në lidhje me këtë bashkëpunim, Kryetarii i OMK-së, Dr Pleurat Sejdiu potencoi se Oda është gjithmonë e gatshme për të ofruar bashkëpunime që kanë të bëjnë me fusha të tilla.