Njoftim – Shtyhet afati për dërgimin e ofertave për sponzorizim të Kongresit të Dytë të Mjekësisë – Onkologji

Përmes këtij njoftimi, dëshirojmë të ju informojmë se është shtyrë deri me 08 shtator 2021, afati për dërgimin e ofertave për sponzorizim të Kongresit të Dytë të Mjekësisë – Onkologji, në Hotel Emerald në Prishtinë.

Ekspertë ndërkombëtarë dhe vendorë do të prezantojnë në Kongres punimet dhe ligjeratat e tyre mbi të arriturat e fundit në lëmin e shkencave mjekësore. Në këtë aktivitet, pritet të ketë deri 3000 pjesëmarrës, me prani fizike dhe përmes përcjelljes online të kongresit.

Ky është edicioni i dytë i Kongresit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe paisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Sipas situatës dhe rekomandimeve të IKSHPKsë një numër i kufizuar i kompanive do të shfaqin produktet dhe shërbimet e tyre në Pavionin Mjekësor.

Organizimi i një ngjarje të tillë ka një kosto të lartë, duke theksuar shpenzimet për: rezervimin e hapësirës, adaptimin e infrastrukturës në Hotel Emerald, shpenzimet ligjërusëve ndërkombëtar, promovim dhe shtypjen e materialit.

Oda e Mjekëve të Kosovës ka ndarë një pjesë të buxhetit për këtë ngjarje por duke marr parasysh shpenzimet e larta, ne kemi nevojë për mbështetjen e partnerëve.

Prandaj, shfrytëzojmë rastin të ju ftojmë të paraqitni ofertën e juaj për sponzorizimin të Artë apo Argjendtë të Kongresit të dytë të mjekësisë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit te kompanisë suaj dhe rrjetizimin e komunitetit mjekësor në përgjithësi.

Do të ketë vetëm një (1) sponzorizues të Artë dhe tre (3) sponzorizues të Argjendtë të cilët do të përzgjedhën sipas ofertës më të lartë.

Ofertat dërgohen në zarf të mbyllur jo më larg se data 08 shtator 2021, në adresën e OMK-së (QKUK, Instituti A, Kati i 3, Prishtinë).

Për më shumë informata mund të na kontaktoni në email adresën: kongresi@omk-rks.org apo numrin e telefonit 049 872 300.