Njoftim – Shtyhet afati për dërgimin e ofertave për sponzorizim dhe aplikim si ekspozues për në Kongresin dhe Panairin e Parë Mjekësor

Përmes këtij njoftimi, dëshirojmë të ju informojmë se është shtyrë deri me 10 korrik 2019, afati  për dërgimin e ofertave për sponzorizim dhe aplikim si ekspozues për në Kongresin dhe Panairin e Parë Mjekësor, i cili do të mbahet me 18-19 tetor 2019, në Hotel Emerald në Prishtinë.

Ky është edicioni i parë i Kongresit dhe Panairit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe pajisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Kompanitë do të shfaqin produktet dhe shërbimet e tyre në Pavionin Mjekësor dhe gjithashtu do të mbahen edhe Sesione të Punëtorive lidhur me produkte të ekspozuara gjatë panairit. Ekspertë ndërkombëtarë dhe vendor do të prezantojnë në Kongres punimet dhe ligjeratat e tyre mbi të arriturat e fundit në lëmin e shkencave mjekësore. Në këtë aktivitet, pritet të ketë deri në 2000 pjesëmarrës.

Organizimi i një ngjarje të tillë ka një kosto të lartë, duke theksuar shpenzimet për: rezervimin e hapësirës, adaptimin e infrastrukturës në Hotel Emerald, shpenzimet e ligjëruesve ndërkombëtar, promovim dhe shtypjen.

Oda e Mjekëve të Kosovës ka ndarë një pjesë të buxhetit për këtë ngjarje por duke marrë parasysh shpenzimet e larta, ne kemi nevojë për mbështetjen e partnerëve.

Prandaj, shfrytëzojmë rastin të ju ftojmë të paraqitni ofertën e juaj për sponzorizimin Gold apo Silver gjatë Kongresit dhe Panairit Mjekësor– Edicioni i Parë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit te kompanisë suaj dhe rrjetizimin e komunitetit mjekësor në përgjithësi.

Shënim: Do të ketë vetëm një (1) sponzorizues Gold dhe tre (3) sponzorizues Silver të cilët do të përzgjedhën sipas ofertës më të lartë.

Përvec ofertës për sponzorizim, kompanitë mund të shfaqin produktet dhe shërbimet e tyre në Pavionin Mjekësor. Çmimi për m² i hapësirës së ekspozimit është 100€ ku hapësirat ekspozuese janë të limituara dhe do të ofrohen në tre opsione:

1) 7.5 m2

2) 10 m2

3) 15 m2

Për të aplikuar si ekspozues në Kongresin dhe Panairin Mjekësor, ju lutemi na dërgoni një letër interesim, ku do e cekni edhe preferencën e juaj për hapësirën ekspozuese sipas opsioneve të lartë përmendura.

Për më shumë informata mund të na kontaktoni.

Ofertat dërgohen në email adresën: kongresi@omk-rks.org, jo më larg se 10 korrik 2019.