Njoftim rreth të dhënave personale në regjistrin e OMK-së

Të nderuar anëtarë dhe mjekë,

Ndonëse procesi i regjistrimit dhe anëtarësimit ka përfunduar dhe se pjesa më e madhe e mjekëve janë anëtarësuar në Odë, duke përmbushur detyrimet nga Neni 8 i Ligjit pët Odat e Profesionistëve Shëndetësor, gjatë procesit të përpunimit të dhënave në Regjistrin e anëtarësisë për nevojat e përgatitjeve të faksimileve profesionale, Shërbimi Profesional i Odës ka evidentuar raste në të cilat anëtarët e regjistruar nuk e kanë njoftuar Odën lidhur me ndryshimin e të dhënave gjegjëse që nevojiten të jenë të evidentuara në Regjistrin e anëtarësisë.

Të dhënat që ndërlidhen me profilin personal të anëtarit, përfshirë këtu të dhënat personale, të dhënat mbi vendin e punës, të dhënat mbi përgatitjet profesionale dhe thirrjeve klinike, në rast se kanë ndryshuar ndërkohë pas regjistrimit, në afat prej 30 ditëve duhet të njoftohet Shërbimi Profesional nga anëtari personalisht duke ofruar dokumentacionin gjegjëse për çdo ndryshim të tillë. Ky detyrim bazohet në Nenin 13 të Ligjit për Odat e Profesionistëve Shëndetësor.

Mosrespektimi i këtij afati dhe mosnjoftimi i Shërbimit Profesional të Odës, paraqet shkelje ligjore për të cilën secili anëtar bartë përgjegjësi individuale.

Prandaj, të gjithë anëtarët që pas regjistrimit u janë ndryshuar të dhënat të tilla, janë të obliguar që në 10 ditë të ardhshme nga dita e kësaj kumtese, që Shërbimit Profesional të Odës t’i ofrojnë personalisht të dhënat e tilla. Në të kundërtën, Prokuroria e Odës do të iniciojë procedurat disiplinore ndaj të gjithë anëtarëve të cilët nuk e respektojnë detyrimin e tillë ligjor.

Çdo anëtar i cili nuk do të përfillë detyrimin e tillë ligjor, do të jetë subjekt i shqiptimit të masave disiplinore të parapara me Nenin 25 të Ligjit për Odat e Profesionistëve Shëndetësor.

Shpresojmë se të gjithë anëtarët e Odës të cilët nuk e kanë përmbushur këtë detyrim do të ndërmarrin veprimet e nevojshme brenda afatit shtesë të lartëcekur.