Njoftim për sponzorizim të Kongresit dhe Panairit të Parë Mjekësor

Përmes këtij njoftimi, dëshërojmë të Ju informojmë se OMK organizon Kongresin dhe Panairin e Parë Mjekësor, i cili do të mbahet me 18-19 tetor 2019, në Hotel Emerald në Prishtinë.

Ky është edicioni i parë i Kongresit dhe Panairit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe paisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Kompanitë do të shfaqin produktet dhe shërbimet e tyre në Pavionin Mjekësor dhe gjithashtu do të mbahen edhe Sesione të Punëtorive lidhur me produkte të ekspozuara gjatë panairit. Ekspertë ndërkombëtarë dhe vendorë do të prezantojnë në Kongres punimet dhe ligjeratat e tyre mbi të arriturat e fundit në lëmin e shkencave mjekësore. Në këtë aktivitet, pritet të ketë deri 2000 pjesëmarrës.

Organizimi i një ngjarje të tillë ka një kosto të lartë, duke theksuar shpenzimet për: rezervimin e hapësirës, adaptimin e infrastrukturës në Hotel Emerald, shpenzimet ligjërusëve ndërkombëtar, promovim dhe shtypjen.

Oda e Mjekëve të Kosovës ka ndarë një pjesë të buxhetit për këtë ngjarje por duke marrë parasysh shpenzimet e larta, ne kemi nevojë për mbështetjen e partnerëve.

Prandaj, shfrytëzojmë rastin të ju ftojmë të paraqitni ofertën e juaj për sponzorizimin Gold apo Silver gjatë Kongresit dhe Panairit Mjekësor– Edicioni i Parë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit te kompanisë suaj dhe rrjetizimin e komunitetit mjekësor në përgjithësi.

Shënim: Do të ketë vetëm një (1) sponzorizues Gold dhe tre (3) sponzorizues Silver të cilët do të përzgjedhën sipas ofertës më të lartë.

Për më shumë informata mund të na kontaktoni.

Ofertat dërgohen në email adresën: kongresi@omk-rks.org, jo më larg se 15 qershor 2019.