Njoftim për riorganizimin e zgjedhjeve në disa Institucione
21 Janar 2022Të nderuar anëtarë,
Siç jeni njoftuar paraprakisht, Oda e Mjekëve të Kosovës ka mbajtur zgjedhjet dhe Mbledhjen e parë të Anëtarëve të Kuvendit. Zgjedhjet për mandatin e III-të të Kuvendit të Odës, u shpallën në nëntor, nga KQZ.
KQZ E OMK-së përmes Vendimit Nr. 39/2021 të datës 11.11.2021 në harmoni me Kodin Zgjedhor KO.08/2021 respektivisht Nenin 21, i cili rregullon përfaqësimin në Kuvendin e Odës, ka themeluar Njësitë Zgjehdore si baza deleguese të përfaqësimit në Kuvendin e saj. Mbi bazën e këtij Vendimi dhe mbi bazën e përfaqësimit në Kuvendin e OMK-së, madje edhe për institucionet tuaja janë themeluar njësitë zgjedhore e në të cilat për shkak të mungesës së kandidaturave për anëtar të Kuvendit të Odës nuk është mbajtur fare procesi zgjedhor. Andaj ju njoftojmë dhe kërkojmë nga Institucioni juaj që të njoftoni anëtarët e Odës të punësuar pranë institucionit shëndetësor të cilin Ju e udhëhiqni, lidhur me mundësnë që të kandidojnë për procesin e përsëritur në mënyrë të veçantë për njësitë zgjedhore të themeluara për institucionin tuaj.
Institucionet për të cilat do të riorganizohen zgjedhjet janë:
QKMF Kamenicë, QKMF Dragash, QKMF Rahovec, QKMF Skenderaj, Klinika Torakale.
Duke respektuar afatet e përcaktuara me Planin e Veprimit të KQZ-së, ftojmë të gjithë anëtarët e interesuar që shprehin vullnetin për të kandiduar, që të drejtën për tu zgjedhur ta realizoni duke plotësuar aplikacionin për kandidim të cilin do ta gjeni në vegzën e mëposhtme. Po ashtu, në bazë të dispozitave të Kodit Zgjedhor të OMK-së, secili kandidat gëzon të drejtën e propozimit të një (1) vëzhguesi i cili do të ketë të drejtën e monitorimit të procesit të votimit ditën e zgjedhjeve. Në përputhje me dispozitat e Kodit Zgjedhor, çdo anëtar i cili shprehë interesin për të kandiduar,me rastin e kandidimit duhet të siguroj pëlqimin e pesë (5) anëtarëve të tjerë brenda njësisë zgjedhore në të cilën kandidojnë. Anëtarët që përkrahin kandidimin e tillë nuk duhet të jenë kandidat të po të njëjtës njësi zgjedhore.
Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së. Në të njëjtën mënyrë dorëzohen edhe formularët për vëzhguesit e propozuar.
Kushtet për aplikim:
– të jetë anëtarë i Odës me status të verifikuar në Listën e Votuesve;
– të ketë siguruar mbështetjen e 5 (pesë) anëtarëve të Njësisë Zgjedhore në të cilën kandidon anëtari;
– të mos jetë dënuar me vendim të plotfuqishëm të gjykatës kompetente për veprat penale që
ndërlidhen me ushtrimin e profesionit të mjekut;
– ndaj tij mos të jetë shqiptuar ndonjë masë disiplinore nga organet e mbikëqyrjes etike;
Verifikimet e plotësimit të kushteve të secilës kandidaturë do të bëhet nga KQZ-ja përmes rekomandimeve të Skeretariatit të KQZ-së.
Formularin e aplikimit për kandidim, mund t’a dorëzoni deri me datë 28.01.2022, në ora 12:00, në mënyrë që KQZ të organizojë zgjedhjet për Njësinë tuaj zgjedhore.
Aplikacionet për kandidim dhe vëzhgues:
