NJOFTIM PËR RILICENCIM

Të nderuar anëtarë të OMK,

Përmes këtij njoftimi ju rikujtojmë që sipas Rregullores për Regjistrim, Licencim dhe Rilicencim, respektivisht Nenit 17, paragrafit 3, mjeku apo personi i autorizuar, duhet të iniciojë procedurën për licencim/ rilicencim 30 (tridhjetë) ditë para skadimit të afatit të licencës aktuale të punës. Në rast të mos-respektimit të afatit të lartëcekur, Komisioni për Licencim rezervon të
drejtën e procedimit të vonesës së rilicencimit te Prokurori i OMK, kjo bazuar në paragrafin e 4 të Nenit 17 të Rregullores në fjalë.

Bazuar në Ligjin Nr. 04/L-125 për Shëndetësi, përkatësisht Nenin 75 zhvillimi i vazhdueshëm profesional është i obligueshëm për profesionistët shëndetësor. Poashtu sipas Nenit 71, paragrafi 4 – Profesionisti shëndetësor mund të ofrojë shërbime shëndetësore në mënyrë të pavarur vetëm pas marrjes së licecnës.
Si rrjedhojë, në momentin e skadimit të licencës së punës, profesionisti shëndetësor nuk ka të drejtë të ushtroj veprimtarinë shëndetësore me licencë të skaduar dhe çdo mjek ka përgjegjësi individuale në çdo formë të ushtrimit të kësaj veprimtarie pas datës së skadimit të licencës së punës.

Oda e Mjekëve të Kosovës shpreh gatishmërinë për të ju ndihmuar në përmbushjen e detyrave tuaja si anëtarë të Odës. Andaj, për çdo pyetje rreth inicimit të procedurës së rilicencimit, mos hezitoni të kontaktoni administratën e Odës në numrin 049/872-070 apo edhe në e-mail adresën info@omk-rks.org.