NJOFTIM PËR KUOTËN E ANËTARËSISË

Përmes këtij njoftimi ju rikujtojmë se kanë mbetur edhe 10 (dhjetë) ditë për të kryer obligimin e pagesës së kuotës së anëtarësisë për vitin 2023. Të gjithë mjekët e sektorit privat të cilët ende nuk kanë dorëzuar pagesën e anëtarësisë në Odën e Mjekëve, ftoheni të kryeni këtë obligim në mundësinë e parë brenda afatit të mbetur.

Obligimi për të qenë anëtar të Odës rrjedh nga Ligji Nr. 04/L-125 për Shëndetësi, përkatësisht Neni 78, paragrafi 3. Poashtu, bazë për obligimin e anëtarësisë paraqitet edhe në Ligjin Nr. 04/L-150 për Odat e Profesionistëve Shëndetësor, përkatësisht Nenin 8.

Siç edhe jeni në dijeni, pagesa e kuotës së anëtarësisë rrjedh si obligim edhe nga Statuti i OMK-së, respektivisht nenin 14, paragrafit 1 me nënparagrafin 1.2, ku potencohet se anëtarët e Odës kanë obligim dhe përgjegjësi të paguajnë anëtarësinë në Odë në mënyrë të rregullt, në të kundërtën sipas Neni 15, paragrafit 1 me nënparagrafin 1.4 të këtij Statuti, anëtarësimi do të ndërpritet në rastet e mospagesës së anëtarësisë në vazhdimësi gjashtë muaj.

Oda e Mjekëve të Kosovës shpreh gatishmërinë për të ju ndihmuar në përmbushjen e detyrave tuaja si anëtarë të Odës. Andaj, për çdo dyshim rreth ekzekutimit të pagesës së anëtarësisë, mos hezitoni të kontaktoni administratën e Odës në numrin 049/872-070 apo edhe në e-mail adresën info@omk-rks.org.