Njoftim për kandidim për pozitën e Zëvendës kryetar i Këshillit Mbikqyrës

Të nderuar anëtarë,

Pas përfundimit të procesit zgjedhor si dhe zgjedhjes së Kryetarit të Odës së Mjekëve, në përputhje me dispozitat e Kodit Zgjedhor të OMK-së, duke respektuar afatet e përcaktuara nga ky Kod për procedurën e kandidimit dhe zgjedhjes së Organeve të OMK-së, ftojmë të gjithë anëtarët e zgjedhur të kuvendit të odës që shprehin vullnetin për të kandiduar, që të drejtën për t’u zgjedhur në këto pozita ta realizojnë duke plotësuar aplikacionin për kandidim për organin përkatës, e të cilin aplikacion do ta gjeni në vegzën e mëposhtme:

FORMULARI për kandidatët për Zv.Kryetar të Këshillit Mbikëqyrës

Në përputhje me dispozitat e Kodit Zgjedhor, çdo anëtarë i cili shpreh interesin për të kandiduar për pozitën e Zëvendës kryetarit të Këshillit Mbikqyrës duhet të sigurojnë mbështetjen e pesë (5) anëtarëve të tjerë të zgjedhur të kuvendit. Anëtarët që përkrahin kandidimin e tillë nuk duhet të jenë kandidat për këtë pozitë, dhe mbështetjen me nënshkrim munden me paraqitë vetëm për një kandidat për pozitën e zëvendës kryetarit të këshillit mbikqyrës.

Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së.

Afati i dorëzimit të aplikacioneve vetëm për këtë pozitë është nga data e publikimit të këtij njoftimi deri me datë 14 janar 2022 (ditë e premte) ora 13:00.

Kushtet për aplikim:

• të jetë anëtarë i zgjedhur për Kuvendin e Odës,
• të ketë siguruar mbështetjen me nënshkrime të anëtarëve të zgjedhur,
• ndaj tij mos të jetë shqiptuar dënimi i cili është evidentuar në evidencat penale për veprat penale që janë kryer gjatë ushtrimit të profesionit të mjekut,
• ndaj tij të mos të jetë shqiptuar dënimi për keqpërdorim të detyrës zyrtare,
• ndaj tij mos të jetë shqiptuar ndonjë masë e rëndë disiplinore nga organet e mbikëqyrjes etike;

Dorëzimi i formularit për kandidim bëhet në KQZ (zyren qendrore të Odës),

Verifikimet e plotësimit të kushteve të secilës kandidaturë do të bëhet nga KQZ-ja përmes rekomandimeve të Skeretariatit të KQZ-së, e të cilat do të procedohen për miratim nga KQZ-ja.