Njoftim për kandidim për organet e OMK-së

Të nderuar anëtarë,

Pas përfundimit të procesit zgjedhor si dhe konsitutimit të kuvendit, duke respektuar afatet e përcaktuara në Kod Zgjedhor për procedurën e kandidimit dhe zgjedhjes së Organeve të OMK-së, ftojmë të gjithë anëtarët e zgjedhur të kuvendit të odës që shprehin vullnetin për të kandiduar, që të drejtën për t’u zgjedhur në këto pozita ta realizojnë duke plotësuar aplikacionin për kandidim për organin përkatës, e të cilat aplikacione do t’i gjeni për secilin organ të odës në vegzën e mëposhtme:

Në përputhje me dispozitat e Kodit Zgjedhor, çdo anëtar i cili ka fituar mandatin katër vjeçar për Kuvendin e Odës, dhe i cili shprehë interesin për të kandiduar për organet përkatëse sipas formularëve duhet të sigurojë mbështetjen e anëtarëve të tjerë të zgjedhur të kuvendit. Anëtarët që përkrahin kandidimin e tillë nuk duhet të jenë kandidat për të njetën pozitë, dhe mbështetjen me nënshkrim munden me paraqitë vetëm për një kandidat për pozitën aplikuese.

FORMULARI për kandidatët për Këshill Drejtues

FORMULARI-për-kandidatët-për-Kryetar-të-Këshillit-Mbikëqyrës

FORMULARI për kandidatët për anetare te Këshillit Mbikëqyrës

FORMULARI për kandidatët për Kryetar të Këshillit Etik

FORMULARI për kandidatët për Zv.Kryetar të Këshillit Etik

FORMULARI për kandidatët për Këshill Etik

FORMULARI për kandidatët për kryetar të Gjyqit të Nderit

FORMULARI për kandidatët për zv.kryetar të Gjyqit të Nderit

FORMULARI për kandidatët për anëtar të Gjyqit të Nderit

FORMULARI për kandidatët për Prokuror

FORMULARI për kandidatët për zv.prokuror

Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së.

Kushtet për aplikim:

• të jetë anëtarë i zgjedhur për Kuvendin e Odës,
• të ketë siguruar mbështetjen me nënshkrime të anëtarëve të zgjedhur,
• ndaj tij mos të jetë shqiptuar dënimi i cili është evidentuar në evidencat penale për veprat penale që janë kryer gjatë ushtrimit të profesionit të mjekut,
• ndaj tij të mos të jetë shqiptuar dënimi për keqpërdorim të detyrës zyrtare,
• ndaj tij mos të jetë shqiptuar ndonjë masë e rëndë disiplinore nga organet e mbikëqyrjes etike;

Dorëzimi i formularit për kandidim bëhet në KQZ (zyret e Odës),

Verifikimet e plotësimit të kushteve të secilës kandidaturë për secilin organ do të bëhet nga KQZ-ja përmes rekomandimeve të Skeretariatit të KQZ-së, e të cilat do të procedohen për miratim nga KQZ-ja.

Afati i dorëzimit të aplikacioneve është nga data e publikimit të këtij njoftimi deri me datë 27 mars 2026 (ditë e premte) ora 15:00.