Njoftim për hapjen e kandidimit për pozitën Kryetar i Gjyqit të Nderit i Odës së Mjekëve të Kosov

Komisioni Qendror i Zgjedhjeve i Odës së Mjekëve të Kosovës njofton për organizimin e rizgjedhjeve për pozitën Kryetar i Gjyqit të Nderit.

Hapja e kësaj procedure vjen pas krijimit të vendit të lirë në këtë organ, në përputhje me dispozitat e Statutit dhe Kodit Zgjedhor të Odës së Mjekëve të Kosovës, të cilat përcaktojnë papajtueshmërinë e ushtrimit të më shumë se një funksioni drejtues, përkatësisht se një anëtar nuk mund të ushtrojë njëkohësisht funksionin e kryetarit në dy organe të ndryshme të Odës.

Në përputhje me dispozitat e Kodit Zgjedhor, çdo anëtar i cili ka fituar mandat katër vjeçar në Kuvendin e Odës dhe shpreh interes për të kandiduar, duhet të plotësojë formularin përkatës dhe të sigurojë mbështetjen e anëtarëve të tjerë të zgjedhur të Kuvendit. Anëtarët që mbështesin një kandidat nuk duhet të jenë kandidatë për të njëjtën pozitë dhe mund të japin mbështetjen e tyre vetëm për një kandidat.

Mënyra e aplikimit:
Aplikacionet duhet të dorëzohen në selinë e Odës së Mjekëve të Kosovës, përkatësisht pranë Komisionit Qendror të Zgjedhjeve, përmes Sekretariatit të KQZ-së.

Kushtet për aplikim:

• të jetë anëtar i zgjedhur i Kuvendit të Odës;
• të ketë siguruar mbështetjen me nënshkrime të anëtarëve të zgjedhur;
• ndaj tij të mos jetë shqiptuar dënim i evidentuar në evidencat penale për vepra penale të kryera gjatë ushtrimit të profesionit të mjekut;
• ndaj tij të mos jetë shqiptuar dënim për keqpërdorim të detyrës zyrtare;
• ndaj tij të mos jetë shqiptuar ndonjë masë e rëndë disiplinore nga organet e mbikëqyrjes etike.

Dorëzimi i formularit për kandidim bëhet në KQZ (zyrat e Odës).

Verifikimi i përmbushjes së kushteve për secilën kandidaturë do të bëhet nga KQZ-ja, bazuar në rekomandimet e Sekretariatit të KQZ-së, dhe më pas do të procedohet për miratim.

Afati për dorëzimin e aplikacioneve:
Nga data e publikimit të këtij njoftimi deri më 14 prill 2026 (e martë), ora 15:00.

FORMULARI për kandidatët për kryetar të Gjyqit të Nderit prill 2026