Njoftim për aplikim për kandidat në tre njësi zgjedhore

Të nderuar anëtarë,

Oda e Mjekëve të Kosovës organizon zgjedhjet e parakohshme në njësitë zgjedhore të cilat janë pa një përfaqësues në Kuvendin e Odës.

Institucionet për të cilat do të organizohen zgjedhjet e parakoshme janë:

QKMF Malishevë, Spitali i Përgjithshëm Ferizaj dhe Spitali Amerikan.

Ju rikujtojmë se zgjedhjet organizohen në këto 3 njësi zgjedhore, si rrjedhojë e mungesës së përfaqësuesit nga këto njësi zgjedhore, në Kuvendin e OMK-së, legjislatura e III-të. Si dhe pas mbylljes së afatit për verifikimin e të dhënave, gjatë së cilës nuk kemi pranuar ankesa, KQZ ka certifikuar listën e kandidatëve të cilët kanë të drejtën e kandidimit për njësi zgjedhore.

Duke respektuar afatet e përcaktuara me Planin e Veprimit të KQZ-së, ftojmë të gjithë anëtarët e interesuar që shprehin vullnetin për të kandiduar, që të drejtën për tu zgjedhur ta realizoni duke plotësuar aplikacionin për kandidim të cilin do ta gjeni në vegzën e mëposhtme. Po ashtu, në bazë të dispozitave të Kodit Zgjedhor të OMK-së, secili kandidat gëzon të drejtën e propozimit të një (1) vëzhguesi i cili do të ketë të drejtën e monitorimit të procesit të votimit ditën e zgjedhjeve.

Në përputhje me dispozitat e Kodit Zgjedhor, çdo anëtar i cili shprehë interesin për të kandiduar,me rastin e kandidimit duhet të siguroj pëlqimin e pesë (5) anëtarëve të tjerë brenda njësisë zgjedhore në të cilën kandidojnë. Anëtarët që përkrahin kandidimin e tillë nuk duhet të jenë kandidat dhe kanë të drejtën e dhënies së pëlqimit/nënshkrimit, vetëm për një kandidat.

Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së. Në të njëjtën mënyrë dorëzohen edhe formularët për vëzhguesit e propozuar.

Kushtet për aplikim:

– të jetë anëtarë i Odës me status të verifikuar në Listën e Votuesve;

– të ketë siguruar mbështetjen e 5 (pesë) anëtarëve të Njësisë Zgjedhore në të cilën kandidon anëtari;

– të mos jetë dënuar me vendim të plotfuqishëm të gjykatës kompetente për veprat penale që

ndërlidhen me ushtrimin e profesionit të mjekut;

– ndaj tij mos të jetë shqiptuar ndonjë masë disiplinore nga organet e mbikëqyrjes etike;

Verifikimet e plotësimit të kushteve të secilës kandidaturë do të bëhet nga KQZ-ja përmes rekomandimeve të Skeretariatit të KQZ-së.

Formularin e aplikimit për kandidim, mund t’a dorëzoni deri me datë 20.09.2024, në ora 16:00, në mënyrë që KQZ të organizojë zgjedhjet për Njësinë tuaj zgjedhore.

Aplikacionet për kandidim dhe vëzhgues:

Aplikacioni për kandidatët për Kuvendin e OMK-së

Aplikacioni për akreditim të vëzhguesve