Njoftim – Kuota e anëtarësisë

Të nderuar anëtarë të OMK-së,

Ashtu siç ju kemi njoftuar edhe më herët, pagesa e kuotës së anëtarësisë në OMK për vitin 2019 është fikse dhe ekzekutimi i saj do të bëhet një herë gjatë vitit, dhe atë me pagën e muajit Shkurt.

Në këtë drejtim, Oda e Mjekëve të Kosovës ka kërkuar nga Ministria e Administratës Publike që të ndërpritet zbatimi i Vendimit për Kuotën e anëtarësisë për vitin kalendarik 2018 dhe që Kuota vjetore për vitin kalendarik 2019 të ekzekutohet përmes sistemit të pagave (payroll) me pagën e muajit Shkurt.

Ministria gjegjëse ka bërë konfirmimin zyrtar për ndërprerjen e pagesës automatike mujore duke filluar me muajin Janar 2019.

Ju lusim në rast se vëreni ndonjë tërheqje nga paga e muajit Janar në emër të anëtarësisë në OMK, të na lajmëroni në mënyrë që të adresojmë çështjen te MAP dhe të ju rimbursojmë mjetet e tërhequra.

Të bashkëngjitur keni edhe korespondencën zyrtare nga zyrtarët përgjegjës të MAP.

Faleminderit për bashkëpunim dhe mirëkuptim!

Me respekt,

omk-rks.org Mail – Informatë për kuotën e anëtarësisë nga OMK