Nënshkruhet marrëveshja mes Odës së Mjekëve të Kosovës dhe ProCredit Bank

Nënshkruhet marrëveshja mes Odës së Mjekëve të Kosovës dhe ProCredit Bank

Oda e Mjekëve të Kosovës ka nënshkruar një Memorandum Mirëkuptimi me ProCredit Bank, me qëllim të fuqizimit dhe lehtësimit të qasjes së mjekëve në produkte dhe shërbime bankare me kushte ekskluzive e jashtëzakonisht të favorshme.

Në këtë ceremoni të rëndësishme, Nënkryetari i OMK-së, Dr. Rrezart Halili, priti përfaqësuesit e ProCredit Bank:

– z. Enver Ibishi, Udhëheqës i Njësisë së Akuizicionit

– znj. Jeta Maka, Udhëheqëse e Ekipës së Rrjetit të Degëve

Kjo marrëveshje shënon një hap të madh në mbështetjen e profesionistëve shëndetësorë, duke i vendosur mjekët dhe familjet e tyre në qendër të përkujdesjes financiare.

Në kuadër të ofertës së saj, ProCredit Bank ofron për anëtarët e OMK-së benefite unike, ndër to:
– Pagesa e anëtarësisë vjetore në OMK (100 €) mbulohet nga ProCredit Bank (vlen për një vit).
– Të gjitha shërbimet bankare në kuadër të “Pako Zero” falas për gjithë jetën.
– Financim deri në 5,000 € pa interes për specializim, subspecializim dhe studime doktorate.
– Kredi pa interes për shkollimin e fëmijëve të Mjekëve në Institucionet arsimore me të cilat Banka ka marreveshje bashkëpunimi.
– Mbështetje deri në 50,000 € për hapjen dhe zhvillimin e ordinancave private, deri në 7 vjet, me normë preferenciale interesi.
– Financim për blerjen e patundshmërisë në Kosovë dhe Shqipëri, deri në 360 muaj, me interes vetëm 3.9% dhe pa hipotekë shtesë përmes kompanive partnere të Bankës.
– Kredi konsumatore dhe investuese me normë interesi prej 4.5%.
– Rifinancim/transferimi i kredive ekzistuese nga bankat tjera me interes 10% më të ulët se në bankën aktuale (minimum 3.7%).
– Depozita afatshkurtra (6 dhe 12 muaj) me interes fiks 3%, pavarësisht shumës.
– Shërbime të tjera të personalizuara posaçërisht për profesionistët shëndetësorë.

Ky partneritet është një garanci e fuqishme për mirëqenien financiare të mjekëve të Kosovës, duke e bërë ProCredit Bank një mbështetëse të përhershme të suksesit profesional dhe personal të tyre.

Për më shumë detaje, ju ftojmë të konsultoni broshurën e bashkëngjitur nga ProCredit Bank. Për informacione shtesë, ju lutem të kontaktoni në 038 555 555 ose në e-mail adresat:

Broshura